Viral Video: బైక్‌పై యువజంట బంచుక్.. వీడియో తీసినవారిపై – ‘‘మీ పని మీరు చూసుకోండి!’’

Viral Video: సోషల్ మీడియా ప్రభావంతో యువజంటలు ఇక సామాన్య స్థాయిని దాటి పబ్లిక్ ప్రదేశాల్లో రెచ్చిపోతున్నారు. నిబంధనలు, మర్యాదలు అన్న భావనలు లేని విధంగా వ్యవహరిస్తూ వీడియోల్లో బిజీగా మారుతున్నారు. వాటిని ఇతరులు రికార్డ్ చేసి సోషల్ మీడియాలో పెట్టడం ద్వారా అవి వైరల్ అవుతున్న ఉదాహరణలు చాలా ఉన్నాయి. తాజాగా అలాంటి ఓ ఘటన ఉత్తరప్రదేశ్‌లోని ఆగ్రా-కాన్పూర్ హైవేపై చోటు చేసుకుంది.

ఓ యువజంట బైక్‌పై ప్రయాణిస్తూ తమ ప్రేమను పబ్లిక్‌లో ప్రదర్శించారు. యువతిని బైక్ ఆయిల్ ట్యాంక్‌పై కూర్చోబెట్టి, డ్రైవింగ్ చేస్తున్న యువకుడు ఆమెను దగ్గరగా ఉంచుతూ రోడ్డుపైనే రొమాన్స్‌ చేశాడు. యువతి కాళ్లను వెనక్కి పెట్టి, పూర్తిగా అతనిపై వాలిపోవడం వీడియోలో స్పష్టంగా కనిపించింది. ఇది మామూలు డ్రైవింగ్ కంటే ఎక్కువగా డేంజరస్ ఫీట్‌గా భావిస్తున్నారు.

ఈ తతంగాన్ని అదే దారిలో ప్రయాణిస్తున్న ఓ వ్యక్తి వీడియో తీశాడు. అప్పటివరకు బిజీగా ఉన్న జంట, తమను ఎవరో చిత్రీకరిస్తున్నారన్న విషయాన్ని గమనించి అభ్యంతరం వ్యక్తం చేసింది. ఆ వ్యక్తి “మీకు రూమ్ కావాలా?” అంటూ వ్యాఖ్యానించగా, బైక్‌పై ఉన్న యువకుడు “నీ పని నువ్వు చూసుకో” అంటూ ఘాటు సమాధానమిచ్చాడు. ఈ మాటల తూటాలు కలిగిన వీడియో ప్రస్తుతం సోషల్ మీడియాలో వైరల్‌గా మారింది.

ఇది మొదటిసారి కాదు. ఇలాంటి ఘటనలు గతంలో హిమాచల్ ప్రదేశ్, ఢిల్లీ, మహారాష్ట్రల్లో కూడా వెలుగులోకి వచ్చాయి. కారు రూఫ్‌టాప్‌పై లిప్‌లాక్ చేసిన జంట నుంచి హైవేపై కిస్ చేసిన దాకా ఎన్నో వీడియోలు ఇప్పటికే నెట్టింట చక్కర్లు కొడుతున్నాయి. వాటిపై కొన్నిసార్లు పోలీసులు చర్యలు తీసుకుంటున్నా, మరికొన్ని సార్లు విస్మరించడమే కనిపిస్తోంది.

ఇక ఈ వీడియో విషయానికి వస్తే, ఫిరోజాబాద్ జిల్లాలో రాత్రి 10 గంటల సమయంలో ఇది చిత్రీకరించబడింది. ట్రాఫిక్ నిబంధనలు పాటించకపోవడం, హెల్మెట్ ధరించకపోవడం, బహిరంగంగా బైక్‌పై రొమాన్స్ చేయడం వంటి అనేక తప్పిదాలున్నా ఇప్పటి వరకు ఆ జంటపై ఎలాంటి అధికారిక చర్యలు తీసుకున్నట్లు సమాచారం లేదు.

నెటిజన్లలో మాత్రం దీనిపై తీవ్రమైన వ్యతిరేకత వ్యక్తమవుతోంది. “ఇవాళ ప్రేమ పేరుతో రోడ్లపై ఇలా, రేపు ఇంకేం చేస్తారు?”, “సంస్కారం, నైతికత లేని తరం ఇదే” అంటూ పలువురు కామెంట్లు చేస్తున్నారు. మరికొంతమంది మాత్రం వ్యంగ్యంగా “ఓపిక పట్టండి.. త్వరలో పోలీస్ చలాన్ వస్తుంది” అంటూ స్పందిస్తున్నారు. మొత్తంగా చూస్తే, ఈ బైక్ బంచుక్ వీడియో సామాజిక మాధ్యమాల్లో పెనుదుమ్ము రేపుతోంది.