Indian Railways: దేశంలోనే పరిశుభ్రమైన రేల్వే స్టేషన్ ఏదో తెలుసా? టాప్ 10లోలేని తెలుగు రాష్ట్రాలు

Indian Railways: రైల్వే మంత్రిత్వ శాఖ 'క్లీన్ రైల్, క్లీన్ ఇండియా 2019' సర్వే నిర్వహించింది. ఇందులో దేశంలోని అత్యంత పరిశుభ్రమైన రైల్వే స్టేషన్లు వివిధ ప్రమాణాల ఆధారంగా ర్యాంక్‌ను పొందాయి. దేశంలోని 10 పరిశుభ్రమైన రైల్వే స్టేషన్లలో ఏడు రాజస్థాన్‌కు చెందినవే ఉండడం గమనార్హం. అయితే, ఈ జాబితాలో తెలుగు రాష్ట్రాల్లోని ఒక్క స్టేషన్ కూడా లేకపోవడం గమానార్హం. దేశంలోని 10 పరిశుభ్రమైన రైల్వే స్టేషన్ల జాబితాను ఓసారి చూద్దాం.

ఉత్తరాఖండ్‌లోని హరిద్వార్ జంక్షన్ జాబితాలో 10వ స్థానంలో ఉంది. ఈ జాబితాలో రాజస్థాన్‌లోని అజ్మీర్ రైల్వే స్టేషన్ తొమ్మిదో స్థానంలో ఉంది.

ఇంతకు ముందు రాజస్థాన్‌లోని ఉదయపూర్ సిటీ రైల్వే స్టేషన్ పరిశుభ్రతలో ఎనిమిదో స్థానంలో ఉంది. ఈ ర్యాంకింగ్‌లో రాజస్థాన్‌లోని విజయవాడ రైల్వే జంక్షన్ ఏడవ స్థానంలో ఉంది.

రాజస్థాన్ రాష్ట్రంలోని సూరత్‌గఢ్ రైల్వే స్టేషన్ ఆరవ స్థానంలో ఉంది. ఒకప్పుడు సూరత్‌గఢ్‌ను సోధావతి అని పిలిచేవారు. గాంధీ నగర్ జైపూర్ రైల్వే స్టేషన్ ఐదవ స్థానంలో ఉంది.

పరిశుభ్రత విషయంలో జమ్ముత్వి రైల్వే స్టేషన్ దేశంలోనే నాల్గవ స్థానంలో ఉంది. దీనికి ముందు రాజస్థాన్‌లోని దుర్గాపూర్ రైల్వే స్టేషన్ మళ్లీ మూడో స్థానంలో నిలిచింది.

జోధ్‌పూర్ జంక్షన్ పరిశుభ్రత జాబితాలో రెండవ స్థానంలో ఉంది. జైపూర్ రైల్వే జంక్షన్ జాబితాలో మొదటి స్థానంలో ఉంది. అంటే పరిశుభ్రత విషయంలో జైపూర్ రైల్వే స్టేషన్ మొదటి స్థానంలో ఉంది. కాగా, ఈ జాబితాలో తెలుగు రాష్ట్రాల్లోని ఒక్క స్టేషన్ కూడా చోటు దక్కించుకోలేదు.