Amazon House Video: అమెజాన్‌లో ఇంటినే ఆర్డర్ పెట్టాడు.. గంటలలో డెలివరీతో యజమాని సర్‌ప్రైజ్!

సాధారణంగా మనం అమెజాన్‌లో బుక్ చేసే వస్తువులు ఏవైనా చిన్నవే. మొబైల్స్, డ్రెస్సులు, బుక్‌లు, కిచన్‌ ఐటమ్స్ లాంటి వాటిని మాత్రమే ఊహించగలగాలి. కానీ అమెరికాకు చెందిన ఓ వ్యక్తి మాత్రం అందరికీ షాకిచ్చే విధంగా అమెజాన్‌లో నేరుగా ఓ ఇల్లు ఆర్డర్ చేశాడు. ఆశ్చర్యకరంగా అది గంటల వ్యవధిలోనే అతని ఇంటి వద్దకు డెలివరీ అయ్యింది. ఇప్పుడు ఈ సంఘటనపై నెట్టింట జోరుగా చర్చ జరుగుతోంది.

లాస్ ఏంజిల్స్‌కి చెందిన టిక్‌టాక్ యూజర్ జెఫ్రీ బ్రయంట్ తరచూ ప్రయాణాల్లో ఉంటాడు. కొత్త కొత్త ప్రదేశాలకు వెళ్లే ఆయనకు అద్దె ఇళ్లను సర్దుబాటు చేసుకోవడం పెద్ద కష్టంగా మారింది. అందుకే తాను తీసుకెళ్లగలిగే ఒక ఫోల్డబుల్ ఇల్లు కొనాలని భావించాడు. వెంటనే అమెజాన్‌లో సెర్చ్ చేసి తాను కోరుకున్న లక్షణాలతో ఉండే ఒక ఇంటిని ఆర్డర్ చేశాడు. అమెజాన్ నుంచి డెలివరీ వచ్చేసరికి జెఫ్రీకి నిజంగానే ఒక కాపి పేస్ట్ హౌస్ వచ్చి చేరింది.

ఇతడు ఆ ఇల్లు డెలివరీ అయిన వెంటనే వీడియో తీసి టిక్‌టాక్‌లో షేర్ చేశాడు. “నేను ఇప్పుడే అమెజాన్‌లో నుంచి ఒక ఇంటిని కొనుగోలు చేశాను!” అంటూ షేర్ చేసిన ఆ వీడియో క్షణాల్లో వైరల్ అయింది. ఆ ఇంటిలో కిచెన్, లివింగ్ రూమ్, బెడ్‌రూమ్, ప్రీ ఇన్‌స్టాల్డ్ బాత్రూమ్ వంటి అన్ని అవసరమైన సౌకర్యాలూ ఉన్నాయి. కొలతలు దాదాపు 16.5 బై 20 అడుగులు. ఇది పూర్తి స్థాయిలో ఫోల్డబుల్ హౌస్‌గా రూపొందించబడి ఉంది. దీని ధర కూడా పెద్దగా కాదు — సుమారు $26,000 అంటే సుమారు ₹21.5 లక్షల వరకు.

ఈ కాంపాక్ట్ హౌస్ కొనుగోలు చేయడం ద్వారా తన ప్రయాణాల్లో తాత్కాలిక నివాస సమస్యను తేలికగా పరిష్కరించుకున్నట్టు జెఫ్రీ చెప్పాడు. అలాగే దీనిని AirBnB వేదికగా ఉపయోగించుకోవచ్చని కూడా అతడు పేర్కొన్నాడు. తరచూ ప్రదేశాలు మార్చే వారికి ఇది బాగా ఉపయోగపడుతుంది అని అంటున్నాడు.

ఈ వీడియోపై నెటిజన్ల నుంచి వినూత్నమైన స్పందనలు వస్తున్నాయి. కొందరు “ఇది ఉచిత డెలివరీతో వస్తుందా?” అని అడుగుతుంటే, మరికొందరు “ఇంటికి డ్రైనేజీ వ్యవస్థ ఎలా అమర్చాలి?”, “ఇది ఇంటి ప్లానింగ్‌, అనుమతులు, ప్లంబింగ్, విద్యుత్ లైన్‌లతో కలిపి ఎంత ఖర్చవుతుంది?” అనే ప్రశ్నలు వేస్తున్నారు. అమెజాన్‌లో ఇల్లు కొనచ్చా అనే ఆలోచనే చాలామందిని ఆశ్చర్యానికి గురిచేస్తోంది.

మొత్తంగా ఈ ఫోల్డబుల్ హౌస్ వీడియో ఇప్పుడు సోషల్ మీడియాలో ట్రెండ్ అవుతోంది. జెఫ్రీ వినూత్న ఆర్డర్‌తో ఇప్పుడు చాలామందికి ఇంటి కొనుగోలు గురించి కొత్త ఆలోచన మొదలయ్యేలా చేసింది. వాస్తవంగా ఈ ఐడియా భవిష్యత్తులో ఎన్నో మార్పులకు తెరలేపే అవకాశం ఉందని అంటున్నారు నెటిజన్లు.