Surat: 23 ఏళ్ల టీచ‌ర్‌తో 13 ఏళ్ల విద్యార్థి వివాహేత‌ర సంబంధం.. ప్రెగ్నెంట్ అని తేల‌డంతో..

Surat: గుజరాత్‌లోని సూరత్ నగరంలో ఒక ఆశ్చర్యకర సంఘటన వెలుగు చూసింది. 13 ఏళ్ల బాలుడు, 23 ఏళ్ల ట్యూషన్ టీచర్ మధ్య అసభ్య సంబంధం నేపథ్యంలో, టీచర్ గర్భవతయ్యిందని ఆరోపణలు రావడంతో పోక్సో చట్టం కింద కేసు నమోదు అయింది. ప్రస్తుతం ఈ కేసు సూరత్ ప్రత్యేక పోక్సో కోర్టులో విచారణలో ఉంది.

ప్రస్తుతం 22 వారాల గర్భంతో ఉన్న మహిళా టీచర్‌కు సూరత్ మున్సిపల్ కార్పొరేషన్ SMIMER ఆసుపత్రిలో గర్భస్రావం చేయాలని కోర్టు ఉత్తర్వులు జారీ చేసింది. అలాగే, డీఎన్ఏ పరీక్ష కోసం పిండాన్ని భద్రంగా ఉంచాలని ఆదేశించింది.

సమాచారం ప్రకారం, ఏప్రిల్ 25న సూరత్‌లోని పూనా ప్రాంతంలో 13 ఏళ్ల విద్యార్థిని 23 ఏళ్ల ట్యూషన్ టీచర్ కిడ్నాప్ చేసింది. ఆ ఇద్దరినీ వెతకడానికి పోలీసులు నాలుగు ప్రత్యేక బృందాలను ఏర్పాటు చేశారు. చివరికి, ఏప్రిల్ 30న రాజస్థాన్ సరిహద్దులో బస్సులో ప్రయాణిస్తున్న సమయంలో పట్టుకున్నారు. ఇదివరకూ వారు నాలుగు రోజుల్లో జైపూర్, అహ్మదాబాద్, ఇతర నగరాలు కలుపుకుని ఐదు నగరాలను తిరిగినట్లు పోలీసు విచారణలో వెల్లడైంది.

పోలీసుల విచారణలో, 5వ తరగతిలో ఉన్నప్పుడు బాలుడికి ట్యూషన్ చెప్పడానికి తన ఇంటికి వచ్చేదానిని అని టీచర్ తన వాంగ్మూలంలో తెలిపింది. తర్వాత విద్యార్థులను తన ఇంట్లోనే ట్యూషన్‌కి పిలవడం ప్రారంభించిందట. అదే సమయంలో వీరిద్దరి మధ్య అవాంఛిత సంబంధం ఏర్పడిందని టీచర్ ఒప్పుకుంది.

గత రెండు సంవత్సరాలుగా ప్రేమలో ఉన్నట్లు, గత ఒక సంవత్సరం పాటు శారీరక సంబంధం కొనసాగిందని టీచర్ తెలిపింది. ఇటీవలి కాలంలో గర్భం రావడంతో, తల్లిదండ్రులు, సమాజానికి తెలియకుండా ఉండేందుకు విద్యార్థితో కలిసి పారిపోయింది.