Kerala: శ్రీకృష్ణ దేవాలయంలో రోబోటిక్ ఏనుగు సేవలు

Robotic Elephant: కేరళలోని త్రిసూర్ జిల్లా ఇరింజడప్పిల్లి శ్రీకృష్ణ దేవాలయంలో రోబోటిక్ ఏనుగు సేవలు అందిస్తోంది. ఆలయ ఉత్సవాలకు బందీలుగా ఉన్న ఏనుగులను నియమించే పద్ధతిని విరమించుకోవాలని పిలుపునిచ్చిన నేపథ్యంలో రోబోటిక్ ప్రవేశపెట్టారు. 11 అడుగుల పొడవు, 800 కిలోల బరువు, ఇనుప చట్రం, రబ్బరు పూతతో రోబోటిక్ ఏనుగును తయారు చేశారు. దీనిని పీపుల్ ఫర్ ఎథికల్ ట్రీట్‌మెంట్ ఆఫ్ యానిమల్స్ ఇండియా ఇరింజడప్పిల్లి శ్రీకృష్ణ ఆలయానికి విరాళంగా అందించింది. ఈ ఏనుగుకు ఇరింజడప్పిల్లి రామన్ అని పేరు పెట్టారు. రోబోటిక్ ఏనుగు ఆలయంలోని ఉత్సవాల్లో పాల్గొంటూ భక్తులను విశేషంగా ఆకట్టుకుంటోంది.