Hindenburg Research: మరో సంచలన నివేదిక వెల్లడించిన హిండెన్‌బర్గ్

Hindenburg Research: గతేడాది భారత్ పారిశ్రామికవేత్త గౌతం అదానీ సారధ్యంలోని అదానీ గ్రూప్ పై విమర్శలు చేసిన US షార్ట్ షెల్లింగ్ సంస్థ `హిండెన్ బర్గ్ ` మరో సంచలన నివేదిక బయటపెట్టింది. త్వరలో అతిపెద్ద నివేదిక బయట పెడతామని ట్వీట్ చేసిన కొన్ని గంటల్లోనే మరో నివేదిక వెల్లడించింది. ఈ సారి ట్విట్టర్ ఫౌండర్ జాక్ డోర్సీని లక్ష్యంగా చేసుకుంది. జాక్ డోర్సీ ఆధ్వర్యంలోని పేమెంట్స్ సంస్థ అయిన 'బ్లాక్' అక్రమాలను టార్గెట్ చేసింది. ఈ బ్లాక్ సంస్థ భారీ అక్రమాలు చేసిందని పేర్కొంటూ హిండెన్ బర్గ్ తన ట్విట్టర్ ఖాతాలో సంబంధిత నివేదిక లింక్ ను ట్వీట్ చేసింది. జాక్ డోర్సీ సారధ్యంలోని ఈ బ్లాక్ సంస్థ తన ఖాతాదారుల సంఖ్య ఎక్కువ చేసి, ఖర్చులు తక్కువ చూపి ఇన్వెస్టర్లను మోసగించిందని హిండెన్ బర్గ్ ఆరోపించింది. రెండేండ్లుగా తాము చేసిన పరిశోధనలో `బ్లాక్ `లో జరిగిన పలు కీలకాంశాలు గుర్తించామని తన నివేదికలో వెల్లడించింది.