'యాత్ర' కోసం సిద్ధమయిన జగన్ కుటుంబం

దివంగత నేత వైయస్ రాజశేఖర్ రెడ్డి జీవిత చరిత్ర ఆధారంగా 'యాత్ర' సినిమా తెరకెక్కుతున్న సంగతి తెలిసిందే. మలయాళం మెగా స్టార్ మమ్ముట్టి ఈ సినిమాలో వైఎస్ఆర్ పాత్రలో కనిపించనున్నారు. ఇప్పటికే ఈ చిత్ర ట్రైలర్ మంచి రెస్పాన్స్ ను అందుకుంటోంది. మహి వి రాఘవ్ దర్శకత్వంలో తెరకెక్కనున్న ఈ సినిమా వైఎస్సార్ చేసిన పాదయాత్ర ప్రధాన అంశంగా ప్రేక్షకుల ముందుకు రాబోతోంది. పాదయాత్ర ముందు మరియు పాదయాత్ర సమయంలో వైయస్సార్ కు ఎదురు పడిన అడ్డంకులు ట్రైలర్ లో చూపించారు. ఈ చిత్రం ఫిబ్రవరి 8వ తారీఖున విడుదల కానుంది.

ఇక ఈ సినిమా ప్రచారం ఉదృతం చేయడానికి చిత్ర బృందం సిద్ధమవుతోంది. వచ్చే నెల ఫిబ్రవరి ఒకటవతారీకు విశాఖ నగరంలో ఈ సినిమా ప్రీ రిలీజ్ ఈవెంట్ ను నిర్వహించనున్నారు. ఇది వైఎస్ఆర్ బయోపిక్ కాబట్టి ఆయన కుటుంబ సభ్యులు కూడా ఈ వేడుకకు హాజరు కానున్నారు. వైఎస్ ఆర్ భార్య విజయమ్మ, కుమారుడు వైఎస్ జగన్ మోహన్ రెడ్డి, కుమార్తె షర్మిల ముఖ్య అతిధులుగా విచ్చేయనున్నారు. అలాగే వైకాపా తరపున ప్రచారానికి వచ్చే సెలబ్రిటీలు కూడా ఈ వేదిక పై కనిపించే అవకాశాలు మెండుగా ఉన్నాయని సమాచారం. జగన్ అభిమానులు వైఎస్సార్ అభిమానులు కూడా వేలమంది తరలిరానున్నారు.