'యాత్ర' ట్రైలర్‌ వచ్చేస్తోంది..!

ప్రస్తుతం బయోపిక్ ల ట్రెండ్ బాగానే నడుస్తుంది. ఒకదాని తర్వాత బయోపిక్ ప్రేక్షకుల ముందుకు వస్తోంది. రానున్న బయోపిక్ లో ప్రేక్షకులు ఆసక్తిగా ఎదురు చూస్తున్న వాటిల్లో ఒకటి 'యాత్ర'. దివంగత ఆంధ్రప్రదేశ్ ముఖ్యమంత్రి వైయస్ రాజశేఖర్ రెడ్డి జీవిత ఆధారంగా ఈ సినిమా తెరకెక్కుతున్న సంగతి తెలిసిందే. ఇక ఈ సినిమాలో మలయాళం మెగాస్టార్ మమ్ముట్టి వైయస్సార్ పాత్రలో కనిపించనున్నారు. ఇప్పటికే విడుదలైన ఈ సినిమా టీజర్ ప్రేక్షకుల నుంచి మంచి రెస్పాన్స్ ని అందుకుంటోంది.

తాజా సమాచారం ప్రకారం ఈ చిత్ర దర్శక నిర్మాతలు నేడు సాయంత్రం 5 గంటలకు ఈ చిత్ర ట్రైలర్ ను విడుదల చేయనున్నారు. ఈ సినిమా వైయస్సార్ 'పాదయాత్ర' ఆధారంగా తెరకెక్కనున్న సంగతి తెలిసిందే. భారీ అంచనాల మధ్య ఈ సినిమా ఫిబ్రవరి 8వ తారీకున విడుదల కానుంది. మహి వి రాఘవ్ ఈ సినిమాకు దర్శకత్వం వహిస్తున్నారు. విజయ్ చిల్ల మరియు శశి దేవి రెడ్డి ఈ సినిమాను 70 ఎంఎం ఎంటర్టైన్మెంట్స్ పతాకం పై నిర్మిస్తున్నారు.