తేజ ఎన్టీఆర్ బయోపిక్ నుండి ఎందుకు తప్పుకున్నాడో చెప్పిన బాలయ్య

నందమూరి బాలకృష్ణ ప్రధాన పాత్రలో క్రిష్ దర్శకత్వంలో తెరకెక్కనున్న ఎన్టీఆర్ బయోపిక్ పై భారీ అంచనాలు ఉన్న సంగతి తెలిసిందే. అయితే నిజానికి ఈ సినిమా కి తేజ దర్శకత్వం వహించాలి. గతేడాది జరిగిన ముహూర్తం షాట్ కి కూడా దర్శకత్వం వహించింది తేజా నే. కానీ సడన్గా తేజ ఈ ప్రాజెక్ట్ నుండి తప్పుకున్నాడు అనే వార్త బయటకు వచ్చింది. చాలామంది దర్శకుల ను పరిశీలించిన బాలకృష్ణ చివరకు ఈ ప్రతిష్టాత్మక చిత్రాన్ని తన 'గౌతమీపుత్ర శాతకర్ణి' సినిమాకు దర్శకత్వం వహించిన క్రిష్ చేతుల్లో పెట్టాడు.

అయితే తేజ ఎందుకు ఈ సినిమా నుండి తప్పుకున్నాడు అనే విషయంపై క్లారిటీ అనేది ఇప్పటి వరకు రాలేదు. ఈ మధ్య ప్రమోషన్ ఇంటర్వ్యూలో బాలకృష్ణ మాట్లాడుతూ తేజ ఎందుకు తప్పుకోవాల్సి వచ్చింది అనే కారణం చెప్పారు. "బయోపిక్ కి దర్శకత్వం వహించేంత పెద్ద బాధ్యత తాను వహించలేనని తనే చెప్పాడు. ఇక నేనే ఈ సినిమాకి దర్శకుడిగా మారదాం అనుకునే సమయంలో 'బాబు నేను డైరెక్ట్ చేయనా?' అంటూ క్రిష్ అడిగాడు. నేను 2 నిమిషాల్లో ఒప్పుకున్నాను." అని బాలయ్య చెప్పుకొచ్చారు. ఇక బయోపిక్ లో మొదటి పార్ట్ అయిన 'ఎన్టీఆర్ కథానాయకుడు' జనవరి 9 న విడుదల కానుంది.