తండ్రి పాత్ర పోషించనున్న విజయ్ దేవరకొండ

యంగ్ హీరో విజయ్ దేవరకొండ వరుస విజయాలతో దూసుకుపోతున్న సంగతి తెలిసిందే. ఈ మధ్యనే 'టాక్సీవాలా' అనే సినిమాతో హిట్ అందుకున్న విజయ్ అదే జోరుతో 'డియర్ కామ్రేడ్' అనే సినిమా షూటింగ్ తో బిజీ అయ్యాడు. భరత్ కమ్మ దర్శకత్వంలో తెరకెక్కనున్న ఈ సినిమా పూర్తయిన తర్వాత విజయ్ దేవరకొండ 'మళ్ళీ మళ్ళీ ఇది రాని రోజు' ఫేమ్ క్రాంతి మాధవ్ దర్శకత్వంలో ఒక సినిమా చేయనున్న సంగతి తెలిసిందే. ఇప్పటికే ఈ చిత్రం షూటింగ్ లోని మొదటి షెడ్యుల్ పూర్తయింది.

ఈ సినిమాలో విజయ్ దేవరకొండ సరికొత్త అవతారంలో కనిపించనున్నాడు. సింగరేణి కార్మికులకు యూనియన్ లీడర్ పాత్రలో విజయ్ దేవరకొండ ప్రేక్షకుల ముందుకు రానున్నాడు. తాజా సమాచారం ప్రకారం ఈ సినిమాలో విజయ్ దేవరకొండ ఒక 8 ఏళ్ల అబ్బాయికి తండ్రి గా కనిపించనున్నాడట. ప్రేమ కథ నేపథ్యంతో సాగే ఈ సినిమాలో రాశి ఖన్నా, ఐశ్వర్య రాజేష్, కేథరిన్ థెరిసా హీరోయిన్లుగా నటిస్తున్నారు. కే. ఎస్ రామారావు నిర్మిస్తున్న ఈ సినిమాకు గోపి సుందర్ సంగీతం అందిస్తున్నారు.