logo

వెంకీ మామ షూటింగ్ మొదలయ్యేది ఎపుడంటే..

వెంకీ మామ షూటింగ్ మొదలయ్యేది ఎపుడంటే..
Highlights

ఒకవైపు వరుస డిజాస్టర్ లతో సతమతమవుతున్న అక్కినేని హీరో నాగ చైతన్య, మరొకవైపు ఈ మధ్యనే 'ఎఫ్ 2' సినిమాతో సూపర్...

ఒకవైపు వరుస డిజాస్టర్ లతో సతమతమవుతున్న అక్కినేని హీరో నాగ చైతన్య, మరొకవైపు ఈ మధ్యనే 'ఎఫ్ 2' సినిమాతో సూపర్ హిట్ ను అందుకున్న దగ్గుబాటి హీరో విక్టరీ వెంకటేష్. ఇప్పుడు వీరిద్దరు కలిసి ఒక సినిమా చేయనున్న సంగతి తెలిసిందే. 'వెంకీ మామ' అనే టైటిల్తో ప్రేక్షకుల ముందుకు రానున్న ఈ సినిమా షూటింగ్ త్వరలో పట్టాలెక్కనుంది. తాజా సమాచారం ప్రకారం ఈ సినిమా షూటింగ్ ఫిబ్రవరి 22 నుండి మొదలవుతుందని తెలుస్తోంది. 'సర్దార్ గబ్బర్ సింగ్' మరియు 'జై లవకుశ' ఫేమ్ బాబి అలియాస్ కే.ఎస్. రవీంద్ర ఈ సినిమాకు దర్శకత్వం వహించనున్నారు.

ఈ సినిమా మొదటి షూటింగ్ షెడ్యూల్ రాజమండ్రిలో మొదలవనుంది. సినిమా మొత్తం కోనసీమ బ్యాక్ డ్రాప్ తో సాగుతుందని సమాచారం. అందుకే రాజమండ్రి మరియు రాజమండ్రి శివార్లలోని కొన్ని అద్భుతమైన లొకేషన్లలో ఈ సినిమా షూటింగ్ జరగనుంది. రకుల్ ప్రీత్ సింగ్ ఈ సినిమా లో నాగ చైతన్య తో రొమాన్స్ చేయనుండగా, సీనియర్ బ్యూటీ శ్రీయ వెంకీ సరసన నటించనుంది. దగ్గుబాటి రానా కూడా ఈ సినిమాలో ఒక కామియో పాత్ర లో కనిపించనున్నట్లు ఇండస్ట్రీ వర్గాల భోగట్టా. సురేష్ ప్రొడక్షన్స్ మరియు పీపుల్ మీడియా ఫ్యాక్టరీ బ్యానర్ లు సంయుక్తంగా ఈ సినిమాను నిర్మిస్తున్నారు.

లైవ్ టీవి

Share it
Top