ఈసారి వెంకీ బయపెట్టనున్నాడట

ఈ మధ్యనే వెంకటేష్, వరుణ్ తేజ్ హీరోలుగా అనిల్ రావిపూడి దర్శకత్వంలో విడుదలైన మల్టీ స్టారర్ సినిమా 'ఎఫ్ 2' సూపర్ హిట్ అయిన సంగతి తెలిసిందే. వెంకటేష్ నటన, కామెడీ టైమింగ్ ఈ సినిమాకు హైలైట్ గా మారిందని చెప్పుకోవచ్చు. మళ్ళీ 'నువ్వు నాకు నచ్చావ్', 'మల్లీశ్వరి' లాంటి సినిమాల్లో కనిపించిన పాత్రలో లాగా వెంకీ ఈ సినిమాలో కూడా కనిపించి ఆకట్టుకున్నాడు. అయితే ఈ సినిమాలో మనల్ని కడుపుబ్బా నవ్వించిన వెంకీ ఈ సారి ఒక థ్రిల్లర్ సినిమాతో మన ముందుకు రాబోతున్నాడు.

'సినిమా చూపిస్తా మామ', 'నేను లోకల్' లాంటి సూపర్ హిట్ సినిమాలను అందించిన త్రినాధరావు నక్కిన దర్శకత్వంలో వెంకీ ఓ సినిమా చేయనున్నాడు. ఇంకా టైటిల్ ఖరారు కాని ఈ సినిమా త్వరలో ప్రేక్షకుల ముందుకు రాబోతోంది. తాజా సమాచారం ప్రకారం ఈ సినిమా ఫిబ్రవరిలో లాంచ్ కానుంది. ఇప్పటిదాకా ప్రేమ కథా చిత్రాలతో మన ముందుకు వచ్చిన త్రినాధ రావు ఈ తరహా సినిమా చేయడం ఇదే మొదటిసారి. మరి ఈ సినిమా ద్వారా ప్రేక్షకులను ఎంతవరకూమెప్పిస్తాడో వేచిచూడాల్సి ఉంది.