Varun Tej-Lavanya: ఘనంగా వరుణ్‌ తేజ్‌ - లావణ్య త్రిపాఠి ఎంగేజ్‌మెంట్.. సందడి చేసిన మెగా, అల్లు ఫ్యామిలీలు

Varun Tej-Lavanya: మెగా హీరో వరుణ్‌ తేజ్‌ - లావణ్య త్రిపాఠి ఎంగేజ్‌మెంట్ ఘనంగా జరిగింది. హైదరాబాద్‌లోని నాగబాబు నివాసంలో జరిగిన ఈ వేడుకలో ఇరు కుటుంబాల పెద్దలు, అత్యంత సన్నిహితులు పాల్గొన్నారు. మెగా ఫ్యామిలీ, అల్లు ఫ్యామిలీ, లావణ్య త్రిపాఠి ఫ్యామిలీలు మాత్రమే ఈ వేడుకలో సందడి చేసినట్లు తెలుస్తుంది. కొత్త జంటకు మెగా అభిమానులు, నెటిజన్లు శుభాకాంక్షలు చెబుతున్నారు. దీనికి సంబంధించిన కొన్ని ఫొటోలు తాజాగా బయటకు వచ్చాయి. వీటిని చూసిన నెటిజన్లు కొత్త జంటకు శుభాకాంక్షలు చెబుతున్నారు.

వరుణ్‌తేజ్‌ - లావణ్య ఎంగేజ్‌మెంట్‌ సందర్భంగా సోషల్‌మీడియాలో #VarunLav హ్యాష్‌ట్యాగ్‌ ట్రెండ్‌ అవుతోంది. 2017లో విడుదలైన మిస్టర్‌ సినిమాలో వరుణ్‌ - లావణ్య నటించారు. ఈ సినిమా సమయంలోనే వీరిద్దరూ స్నేహితులయ్యారు. ఆ తర్వాత ఏడాదిలోనే వీరి కాంబినేషన్‌లో అంతరిక్షం వచ్చింది. ఈ క్రమంలోనే వీరి స్నేహం ప్రేమగా మారినట్లు తెలుస్తోంది. ఏడాది చివర్లో వీరి పెళ్లి జరగనున్నట్లు సమాచారం.