logo

తదుపరి సినిమా మొదలు పెట్టిన మెగా హీరో

తదుపరి సినిమా మొదలు పెట్టిన మెగా హీరో
Highlights

ఈ మధ్యనే 'అంతరిక్షం' సినిమాతో డిజాస్టర్ అందుకున్నప్పటికీ మెగా ప్రిన్స్ వరుణ్ తేజ్ 'ఎఫ్ 2' సినిమాతో మంచి హిట్...

ఈ మధ్యనే 'అంతరిక్షం' సినిమాతో డిజాస్టర్ అందుకున్నప్పటికీ మెగా ప్రిన్స్ వరుణ్ తేజ్ 'ఎఫ్ 2' సినిమాతో మంచి హిట్ ను అందుకున్నాడు. వెంకటేష్, వరుణ్ తేజ్ నటించిన ఈ సినిమా కామెడీ ఎంటర్టైనర్ గా తెరకెక్కి ఘన విజయాన్ని సొంతం చేసుకుంది. ఈ సినిమా రికార్డు ల వర్షం కురిపిస్తూ ఉండగానే వరుణ్ తన తదుపరి సినిమాను పట్టాలెక్కించాడు. ఇప్పటికే దర్శకుడు హరీష్ శంకర్ తో వరుణ్ తేజ్ ఒక సినిమా ఒప్పుకున్న సంగతి తెలిసిందే. ఈ సినిమా తమిళంలో సూపర్ హిట్ సినిమా అయిన 'జిగర్తాండ' రీమేక్ గా తెరకెక్కనుంది.

సిద్ధార్థ్ మరియు బాబి సింహ ముఖ్యపాత్రల్లో కార్తీక్ సుబ్బరాజ్ దర్శకత్వంలో తెరకెక్కిన ఈ సినిమా తమిళంలో బ్లాక్ బస్టర్ హిట్ అయింది. ఇప్పుడు అదే సినిమాను తెలుగులో రీమేక్ చేస్తున్నాడు దర్శకుడు హరీష్ శంకర్. ఇందులో వరుణ్ తేజ్ ముఖ్య పాత్రలో కనిపించనున్నాడు. ఇక ఈ సినిమా ఓపెనింగ్ నేడు అనగా జనవరి 27 వ తారీఖున రామానాయుడు స్టూడియోస్ లో జరిగింది. 14 రీల్స్ ప్లస్ ఈ సినిమాను నిర్మిస్తున్నారు. ఇక తమిళంలో హిట్ అయిన ఈ సినిమా తెలుగులో కూడా ప్రేక్షకులను కచ్చితంగా మెప్పిస్తుందని చిత్రబృందం విశ్వసిస్తోంది.

లైవ్ టీవి

Share it
Top