మెగా హీరో తో రొమాన్స్ చేయనున్న తెలుగమ్మాయి

మెగా హీరోల జాబితాలో కొత్తగా చేరనున్న హీరో వైష్ణవ్ తేజ్. సుప్రీమ్ స్టార్ సాయిధరమ్ తేజ్ తమ్ముడిగా టాలీవుడ్ లో అడుగుపెట్టనున్నాడు ఈ మెగా హీరో. ఇంకా టైటిల్ ఖరారు కాని సినిమా హీరోగా, సుకుమార్ శిష్యుడు బుచ్చిబాబు సన దర్శకత్వం వహిస్తున్న ఈ సినిమా నిన్న అధికారికంగా లాంచ్ అయ్యింది. అయితే ఈ సినిమాలో వైష్ణవ్ తేజ్ సరసన హీరోయిన్ గా ఎవరు నటించనున్నారు అనేది చాలా కాలంగా చర్చనీయాంసంగా మారింది.

తాజా సమాచారం ప్రకారం ఒక ఎన్నారై అమ్మాయి ఈ సినిమా ద్వారా పరిచయం కానుంది. తెలుగమ్మాయి అయినప్పటికీ అమెరికాలో పెరిగిన మనీషా రాజ్ ఈ సినిమాలో వైష్ణవ్ తో రొమాన్స్ చేయనుంది. రియలిస్టిక్ లవ్ స్టోరీగా తెరకెక్కనున్న ఈ సినిమాకు సినిమాను సుకుమార్ రైటింగ్స్ మరియు మైత్రి మూవీ మేకర్స్ సంయుక్తంగా నిర్మించనున్నారు. ఇది వైష్ణవ తేజ్ కి మాత్రమే కాక మనీషా రాజ్ కి కూడా మొదటి సినిమానే. దేవీ శ్రీ ప్రసాద్ ఈ సినిమాకు సంగీతాన్ని అందిస్తున్నారు.