అప్పట్లో ఎన్టీఆర్ ఇప్పుడు మహేష్ బాబు కి సపోర్ట్ ఇచ్చిన స్టార్ డైరెక్టర్

Trivikram: త్రివిక్రమ్ శ్రీనివాస్ సూపర్ స్టార్ మహేష్ బాబుకి చాలా ఇష్టమైన దర్శకుడు అని ఇప్పటికే పలు సందర్భాల్లో చెప్పారు. వీరు ఇద్దరూ మంచి స్నేహితులు కూడా. ఈ మధ్యనే సూపర్‌స్టార్ కృష్ణ మరణం తర్వాత కూడా వారి బంధం మరింత బలపడింది. అంత్యక్రియలు మరియు ఇతర ఆచారాల సమయంలో త్రివిక్రమ్ మహేష్ బాబుకు సహాయం చేయడం, ఓదార్చడం అందరం చూశాం. ఈ నేపథ్యంలో తమ అభిమాన హీరోకి ఇంత సపోర్ట్ ఇస్తున్నందుకు మహేష్ ఫ్యాన్స్ త్రివిక్రమ్ కి కృతజ్ఞతలు చెబుతున్నారు. త్రివిక్రమ్ పట్ల తమ కృతజ్ఞతలను సోషల్ మీడియా ఆధారంగా తెలియజేస్తున్నారు. కొన్నాళ్ల క్రితం "అరవింద సమేత వీర రాఘవ" షూటింగ్ సమయంలో యంగ్ టైగర్ ఎన్టీఆర్ కూడా తన తండ్రి హరికృష్ణ ను కోల్పోయిన సమయంలో త్రివిక్రమ్ ఎన్టీఆర్ కి చాలా సపోర్ట్ ఇచ్చారు.

ఆ సినిమా ప్రీ రిలీజ్ ఈవెంట్‌లో మాట్లాడుతూ కూడా ఎన్టీఆర్ త్రివిక్రమ్ ఆ క్లిష్ట పరిస్థితుల్లో తన జీవితంలో ముఖ్యమైన పాత్రను పోషించారు అని చెప్పారు. ప్రస్తుతం మహేష్ బాబు త్రివిక్రమ్‌ కూడా హారిక హాసిని బ్యానర్‌లో ఒక సినిమా చేస్తున్నారు. అతడు, ఖలేజా తర్వాత వీరిద్దరి కాంబో లో ప్రేక్షకుల ముందుకు రాబోతున్న మూడవ సినిమా ఇది. ఇక ఈ సంఘటనతో త్రివిక్రమ్ పట్ల పాజిటివ్ ఫీలింగ్ ఫ్యాన్స్ కి రెట్టింపయింది అని చెప్పవచ్చు. మహేష్ బాబు తన సోదరుడు, తల్లి మరియు తండ్రి ని పోగొట్టుకుని కోలుకోలేని స్థితిలో ఉన్నారు. త్రివిక్రమ్ లాంటి మంచి స్నేహితులు మరియు శ్రేయోభిలాషుల నుండి ఇప్పటికే ఓదార్పు వల్ల అయినా మహేష్ బాబు త్వరగా కోలుకోవాలని అని అభిమానులు ఆకాంక్షిస్తున్నారు.