logo

నేచర్ క్యూర్ లో చికిత్స పొందుతున్న వెంకీ

నేచర్ క్యూర్ లో చికిత్స పొందుతున్న వెంకీ
Highlights

చాలా రోజుల తర్వాత మళ్లీ ఒక కామెడీ ఎంటర్టైనర్ సినిమాతో ప్రేక్షకుల ముందుకు వచ్చిన విక్టరీ వెంకటేష్ 'ఎఫ్ 2' సినిమాతో ప్రేక్షకులను బాగా మెప్పించారు.

చాలా రోజుల తర్వాత మళ్లీ ఒక కామెడీ ఎంటర్టైనర్ సినిమాతో ప్రేక్షకుల ముందుకు వచ్చిన విక్టరీ వెంకటేష్ 'ఎఫ్ 2' సినిమాతో ప్రేక్షకులను బాగా మెప్పించారు. విక్టరీ వెంకటేష్, వరుణ్ తేజ్ హీరోలుగా అనిల్ రావిపూడి దర్శకత్వంలో తెరకెక్కిన ఈ సినిమా సూపర్ హిట్ అయిన సంగతి తెలిసిందే. ఇక తదుపరి ప్రాజెక్టును మొదలు పెట్టే ముందు ప్రస్తుతం విశాఖపట్నంలో ట్రీట్మెంట్ తీసుకుంటున్నారు వెంకీ. కారణం ఏంటో స్పష్టంగా తెలియకయినప్పటికీ, గతకొంత కాలంగా ఇబ్బంది పడుతున్న వెంకీ ఇక్కడ చికిత్స పొందుతున్నారు.

నేచర్ క్యూర్ నుండి ఇది వరకు ముగ్గురు సీనియర్ హీరోలు ట్రీట్ మెంట్ తీసుకున్నారు. ఇప్పుడు వెంకీ కూడా ఇక్కడే తీసుకుంటున్నారు. ఈ చికిత్స పూర్తయ్యాక హైదరాబాద్ తిరిగి రానున్నారు వెంకీ. ఇప్పటికే నాగచైతన్య తో మల్టీస్టారర్ సినిమా అయిన 'వెంకీ మామ' సినిమా ఒప్పుకున్న సంగతి తెలిసిందే. ఇక 'ఎఫ్ 2' కి సీక్వెల్ గా 'ఎఫ్ 3' అనే సినిమా తెరకెక్కనుందని ప్రచారం కొనసాగుతోంది. ఒకవేళ అదే నిజమైతే వెంకీ మరొక పెద్ద హిట్ ను నమోదు చేసుకుంటాడు అని చెప్పొచ్చు. ఇక మరికొందరు దర్శకులతో చర్చల్లో ఉన్నాడు వెంకీ.


లైవ్ టీవి


Share it
Top