Vijay Devarakonda : విజయ్ దేవరకొండ ప్లాప్ సినిమాకి భారీ రెస్పాన్స్!

Vijay Devarakonda : తెలుగు సినిమాలను వేరే భాషల్లోకి డబ్ చేయడం అనేది పెద్ద విషయం ఏమి కాదు .. కానీ సాధారణంగా అయితే తెలుగులో మంచి హిట్టు అయిన సినిమాలనే డబ్ చేయడానికి సదరు నిర్మాతలు ఇష్టపడుతుంటారు .. కానీ ఈ మధ్య ప్లాప్ సినిమాలకు కూడా డబ్ చేస్తున్నారు .. ఈ నేపధ్యంలో యంగ్ సెన్సేషన్ విజయ్ దేవరకొండ హీరోగా వచ్చిన డియర్ కామ్రేడ్ చిత్రం తెలుగులో భారీ అంచనాల మధ్య విడుదలై అంతగా ఆకట్టుకోలేకపోయింది. అయితే ఈ చిత్రాన్ని హిందీ వెర్షన్ ను యూట్యూబ్ లో వదలగా దానికి ఇప్పుడు 2 మిలియన్ లైక్స్ వచ్చాయి.. దీనితో ఇండియాలోనే ఒక ఫస్ట్ ఎవర్ రికార్డును కొట్టిన ఫస్ట్ మూవీగా ఈ చిత్రం నిలిచింది. అది కూడా కేవలం 7 నెలల్లోనే 160 మిలియన్స్ తో ఈ ఫీట్ ను అందుకోవడం మరో విశేషంగా చెప్పవచ్చు..

ఇందులో విజయ్ దేవరకొండ సరనస రష్మిక మందన్నా హీరోయిన్ గా నటించింది. వీరి కాంబినేషన్లో ఇది రెండో చిత్రం కావడం విశేషం.. ఈ చిత్రానికి భరత్ కమ్మ దర్శకత్వం వహించగా జస్టిన్ ప్రభాకరన్ సంగీతం అందించారు. తెలుగు తమిళ్ బాషలలో ఏకకాలంలో విడుదలైన ఈ చిత్రం 2019లో విడుదలైంది.. టాక్సీవాలా లాంటి భారీ విజయం తర్వాత విజయ్ నుంచి వచ్చిన చిత్రం కావడంతో ఈ సినిమా ఆ అంచనాలను అందుకోలేకపోయింది. కానీ విజయ్ అభిమానులకి ఇదో స్పెషల్ మూవీని అని చెప్పవచ్చు..

ఇక ప్రస్తుతం విజయ్ దేవరకొండ డాషింగ్ డైరెక్టర్ పూరి జగన్నాధ్ దర్శకత్వంలో ఓ సినిమాని చేస్తున్నాడు.. ఈ సినిమాకి ఫైటర్ అనే టైటిల్ ఫిక్స్ చేసినట్లుగా తెలుస్తోంది. ఇందులో విజయ్ సరసన బాలీవుడ్ భామ‌ అన‌న్య పాండే హీరోయిన్ గా నటిస్తోంది. ఇస్మార్ట్ శంకర్ లాంటి భారీ హిట్ తర్వాత పూరి నుంచి వస్తున్న సినిమా కావడంతో ఈ సినిమా పైన భారీ అంచనాలు నెలకొన్నాయి.