Nidhhi Agerwal Birthday : బర్త్ డే కేక్ కటింగ్ మిస్ అవుతున్న హ్యాపెనింగ్ బ్యూటీ నిధి అగర్వాల్

Nidhhi Agerwal Birthday : మిస్టర్ మజ్ను, ఇస్మార్ట్ శంకర్ వంటి సూపర్ హిట్ సినిమాతో తెలుగు ప్రేక్షకులుకు చాలా దగ్గర అయిపోయింది హాట్ బ్యూటీ నిధి అగర్వాల్. అటు బాలీవుడ్ లో ఇటు టాలీవుడ్ లో బ్యాక్ టూ బ్యాక్ సినిమాలు చేస్తూ ఫుల్ బిజీగా ఉన్న నిధి ఈ ఏడాది తన పుట్టినరోజును(ఆగష్టు17) బెంగళూరులో తన నివాసంలోనే కుటుంబ సభ్యులు మధ్య జరుపుకుంటున్నారు. అయితే షూటింగ్ లొకేషన్ లో యూనిట్ మధ్య బర్త్ డే కేక్ కటింగ్ ను హ్యపెనింగ్ బ్యూటీ నిధి అగర్వాల్ మిస్ అవుతున్నంటున్నారు.

సినీ కెర్రిర్ స్టార్ట్ చేసాక తన పుట్టినరోజు సెట్స్ లోనే జరిగేదని, యూనిట్ సభ్యులు మధ్య కేక్ కటింగ్ సెలెబ్రేషన్స్ జరిగేవని, ప్రస్తుతం కరోనా కారణంగా తాను యాక్ట్ చేస్తున్న సినిమా షూటింగ్స్ ప్రస్తుతం ఆగిపోవడం కారణంగా ఈ ఏడాది ఇంట్లో కుటుంబంతోనే పుట్టినరోజు జరుపుకుంటున్నట్లుగా నిధి తెలిపారు. ప్రస్తుతం నిధి, మహేష్ బాబు మేనల్లుడు గల్లా అశోక్ లాంఛింగ్ మూవీలో నటిస్తున్నారు. అలానే తమిళ్ లో భూమి అనే చిత్రం చేస్తున్నారు. వీటితో పాటు మరికొన్ని కొత్త కథలు వింటున్నారు. ఇక తాజాగా ఫేస్ బుక్ లో సరోకొత్త రికార్డు సెట్ చేశారు నిధి. ఈ జనరేషన్ యంగ్ హీరోయిన్స్ లో అత్యధికంగా 8.5 మిలియన్ ఫేస్ బుక్ ఫాలోవర్స్ తో నిధి మొదటి స్థానంలో ఉన్నారు.