Varun Doctor Movie: కలెక్షన్లతో రికార్డు సృష్టించబోతున్న "వరుణ్ డాక్టర్"

Varun Doctor Movie Collections: కోలీవుడ్ హీరో శివ కార్తికేయన్ హీరోగా నటించిన "డాక్టర్" అనే సినిమా తెలుగులో "వరుణ్ డాక్టర్" అనే టైటిల్ తో విడుదలైంది. ట్రైలర్ తోనే ఆకట్టుకున్న ఈ చిత్రం విడుదలయ్యాక బాక్సాఫీసు వద్ద కాసుల వర్షం కురిపిస్తోంది. కామెడీ థ్రిల్లర్ గా ప్రేక్షకుల ముందుకు వచ్చిన ఈ సినిమా ఇప్పుడు రికార్డుల మీద రికార్డులు సృష్టిస్తోంది.

కరోనా సెకండ్ వేవ్ తర్వాత బాక్సాఫీస్ వద్ద వంద కోట్లకు పైగా కలెక్షన్లను వసూలు చేసిన మొదటి సినిమాగా మారబోతూ "డాక్టర్" ఇప్పుడు అందరి దృష్టిని ఆకర్షిస్తోంది. కేవలం తమిళనాడు లో మాత్రమే ఈ సినిమా ఫస్ట్ డే 8 కోట్లను వసూలు చేసింది.

ఈ సినిమా గురించి పాజిటివ్ టాక్ కూడా ఎక్కువగా ఉండటంతో బాక్సాఫీస్ వద్ద ఈ సినిమా బాగానే నెట్టుకొస్తోంది. అలాగే తెలుగు రాష్ట్రాల్లో కూడా సినిమా బాగానే కలెక్షన్లు వసూలు చేస్తోంది. కేవలం పన్నెండు రోజుల్లోనే ఈ సినిమా 50 కోట్ల వరకు వసూలు చేసింది.

ఈ మధ్యలో కొన్ని సినిమాలు విడుదల అయినప్పటికీ ఏవీ ఈ సినిమా సక్సెస్ ఆపలేకపోయాయి. ఇదే జోరు మరొక వారం కొనసాగితే కరోన సెకండ్ల తర్వాత వంద కోట్ల క్లబ్లో జాయిన్ అయ్యే మొదటి సినిమా గా "డాక్టర్" నిలుస్తుంది. ప్రియాంక అరుల్ మోహన్ హీరోయిన్ గా నటించిన ఈ సినిమాకి "కోకో కోకిల" ఫేమ్ నెల్సన్ దిలీప్ కుమార్ దర్శకత్వం వహించారు.