సూర్య డైరెక్టర్ తో చేతులు కలపనున్న శింబు

Silambarasan: కోలీవుడ్ లో స్టార్ హీరో అయిన శింబు తెలుగు ప్రేక్షకులకి కూడా సుపరిచితుడే. ఈ మధ్యనే వెంకట్ ప్రభు దర్శకత్వంలో "మానాడు" అనే ఒక యాక్షన్ థ్రిల్లర్ తో ప్రేక్షకుల ముందుకు వచ్చిన ఈ సినిమాతో మంచి విజయాన్ని అందుకున్నాడు. బాక్సాఫీస్ వద్ద కాసుల వర్షం కురిపించిన ఈ సినిమా రైట్స్ ను ఈ మధ్యనే టాలీవుడ్ ప్రముఖ నిర్మాణ సంస్థ సురేష్ ప్రొడక్షన్స్ వారు సొంతం చేసుకున్నారు. అయితే తాజాగా మరోవైపు శింబు ఒక ప్రముఖ డైరెక్టర్ తో చేతులు కలపనునట్టు సమాచారం. ఈ మధ్యనే సూర్య హీరోగా నటించిన "సూరారై పొట్రు" అనే సినిమాలో మంచి పేరు తెచ్చుకున్నారు సుధ కొంగర.

"ఆకాశమే నీ హద్దురా అనే టైటిల్తో తెలుగులో కూడా విడుదలైన ఈ సినిమా మంచి విజయాన్ని అందుకుంది. తాజాగా ఇప్పుడు శింబు హీరోగా సుధ కొంగర దర్శకత్వంలో ఒక సినిమా త్వరలో ప్రేక్షకుల ముందుకు రాబోతుంది. ప్రముఖ నిర్మాణ సంస్థ లైకా ప్రొడక్షన్స్ వారు ఈ సినిమాని నిర్మిస్తున్నట్లు తెలుస్తోంది. అయితే ఈ సినిమా గురించి అధికారిక ప్రకటన త్వరలోనే వెలువడనుంది. మరి చూస్తూ ఉంటే శింబు మరొక బ్లాక్ బస్టర్ హిట్ తో ప్రేక్షకుల ముందుకు వచ్చేటట్టు కనిపిస్తున్నారు