logo

మాస్ హీరోగా మారనున్న లవర్ బాయ్

Ram PothineniRam Pothineni
Highlights

గత కొంతకాలంగా వరుస డిజాస్టర్ లతో సతమతమవుతున్న హీరోలలో ఒకడు ఎనర్జిటిక్ హీరో రామ్ అయితే, దర్శకులలో ఒకరు పూరి జగన్నాథ్. ఇప్పుడు వీరిద్దరు కలిసి ఒక సినిమా చేయనున్నారు.

గత కొంతకాలంగా వరుస డిజాస్టర్ లతో సతమతమవుతున్న హీరోలలో ఒకడు ఎనర్జిటిక్ హీరో రామ్ అయితే, దర్శకులలో ఒకరు పూరి జగన్నాథ్. ఇప్పుడు వీరిద్దరు కలిసి ఒక సినిమా చేయనున్నారు. ఈ సినిమా అధికారిక ప్రకటన ఈ మధ్యనే విడుదలైంది. కాగా నిన్న ఈ సినిమా టైటిల్ మరియు ఫస్ట్ లుక్ మోషన్ పోస్టర్ ను విడుదల చేశారు. ఈ సినిమాకు 'ఇస్మార్ట్ శంకర్' అనే ఒక సరికొత్త టైటిల్ ను పెట్టారు. ఇక మోషన్ పోస్టర్ లో టైటిల్ లాగానే హీరో రామ్ కూడా సరికొత్త లుక్ తో అదరగొడుతున్నాడు.

నోటిలో సిగరెట్ తో మాస్ లుక్ తో కనిపిస్తున్న రామ్ ఈ సినిమాలో శంకర్ అనే పాత్రలో కనిపించనున్నాడని టైటిల్ చూస్తేనే అర్థమవుతోంది. ఇప్పటిదాకా లవర్ బాయ్ పాత్రలో కనిపించిన రామ్ ఈ సినిమాలో నెగిటివ్ షేడ్స్ ఉన్న పాత్రలో కనిపించనున్నాడని తెలుస్తోంది. ఇక ఈ మోషన్ పోస్టర్ మరియు టైటిల్ ని బట్టి ఈ సినిమా కచ్చితంగా ఒక మాస్ మసాలా ఎంటర్టైనర్ గా మన ముందుకు రాబోతుంది అని చెప్పొచ్చు. పూరి స్వయంగా తన హోం బ్యానర్ పై ఈ సినిమాను నిర్మిస్తున్నారు. ఈ సినిమాలో హీరోయిన్ మరియు ఇతర నటీనటుల వివరాలు త్వరలో తెలియనున్నాయి.



లైవ్ టీవి

Share it
Top