యూ/ఏ పొందిన రజిని

ఈ మధ్యనే '2.ఓ' సినిమాతో బ్లాక్ బస్టర్ హిట్ అందుకున్న సౌత్ సూపర్ స్టార్ రజనీకాంత్ ఇప్పుడు 'పేట' సినిమాతో మన ముందుకు రాబోతున్నారు. ఈ చిత్రం తమిళం మరియు తెలుగు భాషల్లో ఒకేసారి విడుదల కానుంది. అశోక్ వల్లభనేని ఈ చిత్రాన్ని తెలుగులో విడుదల చేయనున్నారు. ఈ చిత్ర ట్రైలర్ ఇప్పటికే సోషల్ మీడియాలో వైరల్ గా మారింది. ఈ సినిమాతో రజినీకాంత్ మనల్ని మెప్పించనున్నారు అని తెలుస్తోంది. ఇప్పటికే ఈ సినిమాలో రజనీకాంత్ స్టైలిష్ లుక్ అలాగే మాస్ లుక్ రజిని ఫాన్స్ కు బాగా నచ్చేసింది.

ఈ చిత్రం తాజాగా సెన్సార్ ఫార్మాలిటీస్ పూర్తి చేసుకుని విడుదలకు సిద్ధమైంది. చిత్రాన్ని చూసిన సెన్సార్ బోర్డ్ అనుకున్న విధంగానే యూ/ఏ సర్టిఫికెట్ ను ఇచ్చారు. ఇక ఈ సినిమా సంక్రాంతి సందర్భంగా జనవరి 10 వ తారీఖున విడుదలకు సిద్ధంగా ఉంది. అదే రోజు రామ్ చరణ్ నటించిన 'వినయ విధేయ రామ' సినిమా కూడా విడుదల కానుంది. సిమ్రాన్, త్రిష, బాబీ సింహ, విజయ్ సేతుపతి ముఖ్య పాత్రలు పోషించిన ఈ సినిమా కు కార్తిక్ సుబ్బరాజ్ దర్శకత్వం వహించారు. సన్ పిక్చర్స్ నిర్మాణంలో తెరకెక్కనున్న ఈ సినిమా ప్రేక్షకులను ఎంతవరకూ మెప్పిస్తుందో చూడాల్సి ఉంది.