ప్రభాస్ తో పోటీపడనున్న మరొక స్టార్ హీరో

'బహుబలి' సినిమాతో భారీ విజయాన్ని అందుకున్న యంగ్ రెబల్ స్టార్ ప్రభాస్ ప్రస్తుతం ఈసారి 'సాహో' సినిమాతో ప్రేక్షకుల ముందుకు రానున్న సంగతి తెలిసిందే. సుజిత్ దర్శకత్వంలో యాక్షన్ థ్రిల్లర్ గా తెరకెక్కుతున్న ఈ సినిమాలో శ్రద్ధ కపూర్ హీరోయిన్ గా నటిస్తోంది. ఈ సినిమా స్వాతంత్ర్య దినోత్సవం సందర్భంగా ఆగస్టు 15వ తారీఖున మూడు భాషల్లో విడుదల కానుంది. ఈ సినిమాపై భారీ అంచనాలు ఉన్న సంగతి తెలిసిందే. అయితే తాజా సమాచారం ప్రకారం ఈ సినిమాకు మరొక స్టార్ హీరో సినిమా పోటీ ఇవ్వనుందట. అది తమిళ స్టార్ హీరో సూర్య సినిమా కావడం విశేషం.

సూర్య హీరోగా మోహన్ లాల్, ఆర్య ముఖ్య పాత్రల్లో తెరకెక్కనున్న సినిమా 'కప్పాన్'. కోలీవుడ్ లో ఈ సినిమాపై భారీ అంచనాలున్నాయి. సూర్య అభిమానులు ఈ సినిమా కోసం ఎప్పటినుండో ఆసక్తిగా ఎదురు చూస్తున్నారు. కేవీ ఆనంద్ దర్శకత్వంలో ప్రేక్షకుల ముందుకు రానున్న ఈ సినిమా కూడా ఆగస్ట్ 15 వ తారీఖున విడుదల అయ్యే అవకాశాలు ఉన్నాయి అని కోలీవుడ్ కోడై కూస్తోంది. ఇంకా అధికారిక ప్రకటన వెలువడాల్సి ఉంది. ఒకవేళ ఇది నిజమైతే 'సాహో' సినిమాకి ఈ సినిమా గట్టిపోటీ ఇవ్వనుందని చెప్పుకోవచ్చు. ఏదేమైనా ఈ ఆగస్ట్ లో సినిమా ప్రేమికుల హంగామా మాములుగా అయితే ఉండదు.