బాలయ్య కోసం 7 గంటల షో

సంక్రాంతి అంటేనే సినిమాలు సీజన్ గా చెప్పుకోవచ్చు. ఎప్పటిలాగానే ఈ సంవత్సరం కూడా చాలా పెద్ద సినిమాలు విడుదలకు సిద్ధంగా ఉన్నాయి. సంక్రాంతి బరిలో మొట్టమొదటిగా దిగనున్న సినిమా 'ఎన్టీఆర్ కథానాయకుడు'. బాలకృష్ణ హీరోగా క్రిష్ దర్శకత్వంలో నందమూరి తారకరామారావు బయోపిక్ లో మొదటి భాగంగా తెరకెక్కనున్న ఈ సినిమా నేడు అనగా జనవరి 9న విడుదల కానుంది. ఈ సినిమాను ఎప్పుడెప్పుడు చూద్దామా అని ప్రేక్షకులు ఆసక్తిగా ఎదురుచూస్తున్నారు.

తాజా సమాచారం ప్రకారం ఆంధ్రప్రదేశ్ ప్రభుత్వం ఈ సినిమాకు ఆరు షోస్ వేసుకోవచ్చని అనుమతిచ్చింది. మామూలుగా 9 లేదా పదింటికి మొదటి షో మొదలవుతుంది. కానీ హైదరాబాదులో ఎన్టీఆర్ బయోపిక్ కోసం ఏడు గంటల షో వేయనున్నారు. ఇప్పటికే టికెట్లు హాట్ కేకుల్లా అమ్ముడుపోయాయి. ఈ సినిమా ఇక రికార్డుల మోత మోగిస్తుంది అని ట్రేడ్ వర్గాలు విశ్లేషిస్తున్నాయి. రానా దగ్గుబాటి, రకుల్ ప్రీత్, హన్సిక, నిత్యా మీనన్, విద్యాబాలన్, సుమంత్ తదితరులు ఈ సినిమాలో ముఖ్య పాత్రలు పోషించారు. బాలకృష్ణ, సాయి కొర్రపాటి, విష్ణు ఇండూరి ఈ సినిమాను నిర్మించారు.