#NBK107: టీజర్‌ వచ్చేసింది.. భయం నా బయోడేటాలోనే లేదురా అంటూ గర్జించిన బాలయ్య..

NBK107 First Hunt Teaser: నటసింహం నందమూరి బాలకృష్ణ పుట్టినరోజు హంగామా మొదలైంది. ఒక్కరోజు ముందుగానే ఆయన అభిమానులకు ఓ కానుక అందింది. గోపీచంద్‌ మలినేని దర్శకత్వంలో బాలయ్య బాబు టైటిల్‌ ఖరారుకాని సినిమా #NBK107 అనే వర్కింగ్‌ టైటిల్‌తో రూపొందుతోంది. జూన్‌ 10న బాలకృష్ణ జన్మదినం సందర్భంగా చిత్రబృందం ఆ మూవీ టీజర్ విడుదల చేసింది. ఇందులోని బాలకృష్ణ ఆహార్యం, ఆయన చెప్పిన డైలాగ్స్ ఆయన అభిమానులతోపాటు ప్రేక్షకుల్ని మరింతగా ఆకట్టుకుంటున్నాయి. పులిచర్ల నేపథ్యంలో పవర్‌ఫుల్‌ యాక్షన్‌ థ్రిల్లర్ గా తెరకెక్కుతున్న ఈ సినిమా ప్రచార చిత్రాన్ని చూస్తుంటే హిట్ గ్యారంటీ అన్న టాక్ వినిపిస్తోంది.

ఇక ఈ టీజర్‎లో ఆశించినట్లుగానే అన్ని కమర్షియల్‌ హంగులు ఈ సినిమాలో ఉన్నట్లు చెబుతున్నారు ఆయన అభిమానులు. శ్రుతిహాసన్‌ కథానాయికగా నటిస్తున్న ఈచిత్రంలో వరలక్ష్మీ శరత్‌కుమార్‌, దునియా విజయ్‌ ప్రధాన పాత్రలు పోషిస్తున్నారు. మైత్రీ మూవీ మేకర్స్‌ సంస్థ నిర్మిస్తున్న ఈ సినిమాకి ప్రముఖ సంగీత దర్శకుడు తమన్‌ మ్యూజిక్ అందిస్తుంటే ఇక సాయిమాధవ్‌ బుర్రా మాటలు, రామ్‌లక్ష్మణ్‌ ఫైట్స్, ఎ.ఎస్‌. ప్రకాశ్‌ ప్రొడక్షన్‌డిజైన్‌ చేస్తున్నారు.