బాలయ్య కోసం భలే స్క్రిప్ట్

ఈ మధ్యనే ఎన్టీఆర్ బయోపిక్ లోని మొదటి భాగమైన 'ఎన్టీఆర్ కథానాయకుడు' సినిమాలో ఎన్టీఆర్ పాత్రలో పాత్ర పోషించిన నందమూరి బాలకృష్ణ ప్రస్తుతం రెండవ భాగమైన 'ఎన్టీఆర్ మహానాయకుడు' సినిమాతో బిజీగా ఉన్నాడు. ఇక ఈ సినిమా పూర్తయిన తర్వాత బోయపాటి శ్రీను దర్శకత్వంలో ఒక సినిమా చేయనున్నాడని తెలిసిన విషయమే తాజా సమాచారం ప్రకారం ఈసారి బోయపాటి బాలయ్య కోసం ఒక అద్భుతమైన స్క్రిప్ట్ రాశారని తెలుస్తోంది. ఈ సినిమాలో బాలయ్య డ్యూయల్ రోల్ పోషించనున్నారని సమాచారం.

బోయపాటి ట్రేడ్ మార్క్ సినిమా లాగానే ఈ సినిమాలో కూడా బాలయ్య ఒక అగ్రెసివ్ పాత్రలో కనిపించనున్నారట. అలాగే ఒక ఎమోషనల్ మరియు సాలిడ్ ఫ్లాష్ బ్యాక్ కూడా ఉండబోతోందని తెలుస్తోంది. ఈ మధ్యనే విడుదలైన 'వినయ విధేయ రామ' సినిమాతో దెబ్బతిన్న బోయపాటి ప్రస్తుతం బాలయ్య సినిమా ప్రీ ప్రొడక్షన్ పనుల్లో బిజీగా ఉన్నాడు. ఈ సినిమాలో హీరోయిన్ మరియు ఇతర టీం సభ్యుల వివరాలు త్వరలో తెలియనున్నాయి.