Nala Jilakara Mogga Video: ‘గరివిడి లక్ష్మి’ మూవీ నుండి మరో హిట్‌

ఉత్తరాంధ్రలో బుర్రకథల ద్వారా పేరు పొందిన గరివిడి లక్ష్మి జీవితం ఆధారంగా రూపొందుతున్న చిత్రం ‘గరివిడి లక్ష్మి’. పీపుల్స్ మీడియా బ్యానర్‌పై తెరకెక్కుతున్న ఈ సినిమా త్వరలో ప్రేక్షకుల ముందుకు రానుంది. కొద్దిరోజుల క్రితమే విడుదలైన గ్లింప్స్‌కు మంచి స్పందన రావడంతో తాజాగా చిత్ర బృందం ఫేమస్ సాంగ్ ‘నల జీలకర్ర మొగ్గ’ వీడియోని విడుదల చేశారు.

ఈ పాట సోషల్ మీడియా వేదికగా ఇప్పటికే వైరల్ అవుతోంది. ముఖ్యంగా కథానాయిక ఆనంది చేసిన డ్యాన్స్‌ ఆకట్టుకుంటోంది. ఆమె నటన, హావభావాలు పాటకు ప్రత్యేక ఆకర్షణగా నిలుస్తున్నాయి. రాగ్ మయూర్‌తో కలిసి ఆనంది ప్రధాన పాత్రలో నటిస్తున్న ఈ చిత్రానికి జమ్ము నాయుడు దర్శకత్వం వహిస్తున్నారు.

చిత్ర షూటింగ్ పూర్తయ్యింది. త్వరలో విడుదల తేదీని ప్రకటించనున్నట్టు చిత్ర బృందం తెలిపింది. జానపదతనం, సంప్రదాయాల మేళవింపుతో వచ్చే ఈ సినిమా ప్రేక్షకుల మనసును గెలుచుకుంటుందనే నమ్మకంతో ఉందట టీమ్.