Top
logo

Basthi Boys: 'జాతి రత్నాలు కాదు, జాతి మొగుళ్లు.. ట్యూబ్‌లు పగలగొట్టేస్తాం': నాగబాబు

‍Basthi Boys: Nagababu Shared A Basthi Boys Web Series Link in Facebook
X

నాగబాబు (ఫైల్ ఇమేజ్)

Highlights

‍Basthi Boys: నాగబాబు తన ఫేస్‌ బుక్ లో.. 'వచ్చింది జాతి రత్నాలు కాదు.. జాతి మొగుళ్లు' అంటూ పోస్ట్ చేశారు.

‍Basthi Boys: ఓ ప్రముఖ టెలివిజన్ చానల్‌లో ప్రసారం అయ్యే జబర్దస్త్‌ ద్వారా అనేక మంది కమెడియన్లను ప్రొత్సహించారు నాగబాబు. కొన్ని వ్యక్తిగత కారణాలతో ఆ షో నుంచి బాయటకు వచ్చిన ఆయన 'అదిరింది' అంటూ మరో చానల్ లో ప్రత్యక్షమైయ్యారు. అయితే ఆ షో కొన్ని రోజులకే నిలిచిపోయింది. కొన్ని రోజులకు బొమ్మ అదిరింది అంటూ వచ్చినా..జబర్దస్త్‌ పోటీని తట్టుకోలేక పోయింది. ఆ తరువాత ఖుషీ ఖుషీగా అంటూ సోషల్ మీడియాలో కొంతమంది కమెడియన్లతో కామెడీ షో నిర్వహించారు నాగబాబు.

ఇక యూట్యూబ్‌పై ఫోకస్ పెట్టారు. అదిరింది కామెడీ షోతో పాపులర్ అయిన 'సద్దాం-యాదమ్మ రాజు-భాస్కర్ - హరిలతో బస్త్ బాయ్స్ అనే వెబ్ సిరీస్‌ని ప్రారంభించారు. బుల్లెట్ భాస్కర్ డైరెక్ట్ చేయగా.. నాగబాబు కాన్సెప్ట్ అందించి ఇన్ఫినిటంతో క‌లిసి నిర్మించారు. తాజాగా ఈ బస్తీ బాయ్స్ ఫస్ట్ ఎపిసోడ్‌ను నాగబాబు యూట్యూబ్ ఛానల్‌లో విడుదల చేశారు. దీంతో నాగబాబు తన ఫేస్‌ బుక్ లో.. 'వచ్చింది జాతి రత్నాలు కాదు.. జాతి మొగుళ్లు' అంటూ పోస్ట్ పెట్టి యూట్యూబ్ లింక్‌ని షేర్ చేశారు.

ఇక ఈ స్కిట్‌లో నటించిన సద్దాం.. అయితే తనకి తానే బాబు అని పేరు పెట్టేసుకుని.. ఇండస్ట్రీలో ఓ రేంజ్ వచ్చిన తరువాత బాబు బాబు అని పెట్టుకుంటారు. నేనే ముందు బాబు అని పెట్టేసుకున్నా. యూట్యూబ్‌లో వీడియోలు పెట్టడం లేదని అనుకుంటున్నారు కదా.. ఇక నుంచి యూట్యూబ్‌లో వరుస అప్ లోడ్‌లే. డేటా రెడీ చేసుకోండి. యూట్యూబ్‌లో ఒక్కొక్క ట్యూబ్‌లు పగిలిపోతాయ్. వారం అంతా యూట్యూబ్‌లో ట్యూబ్‌లు పగలగొట్టేస్తాం అంటూ ఓ రేంజ్ బిల్డప్ ఇచ్చాడు.

'బస్తీ బాయ్' వెబ్ సిరీస్ ఫస్ట్ ఎపిసోడ్‌లో 16 నిమిషాల నిడివితో ఉన్న ఆ షోలో సద్దాం, భాస్కర్‌లు కనిపించారు. హైదరాబాద్‌లో జూనియర్ ఆర్టిస్ట్‌గా పనిచేసే భాస్కర్.. ఊర్లో మాత్రం పెద్ద హీరోగా బిల్డప్ ఇస్తాడు. ఇతన్ని నమ్ముకుని పల్లెటూరు నుంచి ట్రంకు పెట్టి, పూతరేకులు, జంతికలు పట్టుకుని పచ్చ రంగు డ్రెస్ వేసుకుని మరీ ఎర్ర బస్సు ఎక్కి హైదరాబాద్ వచ్చేస్తాడు సద్దాం.. తీరా ఇక్కడికి వచ్చిన తరువాత భాస్కర్ ఇంటి ఓనర్ చేతిలో తన్నులు తిని రోడ్డుపై పడతారు. ఈ బస్తీ బాయ్స్ వెబ్ సిరీస్ తొలి ఎపిసోడ్ కామెడీగానే అనిపించింది. ఈ వీడియోను 6 లక్షల మంది చూశారు. బస్తీ బాయ్స్ నెంబర్ 1 ట్రెండింగ్ అనే హ్యాష్ ట్యాగ్ తో కనిపిస్తుంది. ఈ షో ఎన్ని రోజులు నడుస్తుందో చూడాలి.

Web Title‍Basthi Boys: Nagababu Shared A Basthi Boys Web Series Link in Facebook
Next Story