Theaters: తెలంగాణ థియేటర్లలో మొదలుకానున్న సందడి
Theaters: ఈ నెల 30న మూడు సినిమాలు రిలీజ్ * తేజ సజ్జ, ప్రియా వారియర్ జంటగా ఇష్క్
ఈ నెల 30 నుంచి తెరుచుకోనున్న సినిమా హాళ్లు (ఫైల్ ఇమేజ్)
Theaters: కరోనా సెకండ్వేవ్ కారణంగా తెలంగాణలో మూతపడ్డ థియేటర్లు మళ్లీ తెరుచుకున్నాయి. జులై 30న మూడు సినిమాలు రిలీజ్ అవుతుండటంతో ఫిల్మ్ ట్రేడ్ వర్గాల్లో సందడి వాతావరణం నెలకొంది. జాంబిరెడ్డి తర్వాత తేజ సజ్జ నటిస్తున్న చిత్రం ఇష్క్. ప్రియా ప్రకాశ్ వారియర్ ఈ సినిమాలో హీరోయిన్గా నటించింది. ఎస్ఎస్ రాజు దర్శకత్వంలో ఆర్బీ చౌదరి సమర్పణలో ఎన్వీ ప్రసాద్, పరాస్ జైన్, వాకాడ అంజన్కుమార్ నిర్మించిన ఈ చిత్రం ఈ నెల 30న థియేటర్లలో విడుదల కానుంది.
శ్రీకృష్ణదేవరాయలు ఆస్థానంలోని తిమ్మరుసు చాలా తెలివైన వ్యక్తి. అలాంటి తెలివితేటలున్న లాయర్ పాత్రలో సత్యదేవ్ నటించిన చిత్రం తిమ్మరుసు. ప్రియాంకా జవాల్కర్ హీరోయిన్. శరణ్ కొప్పిశెట్టి దర్శకత్వంలో మహేశ్ కోనేరు, సృజన్ ఎరబోలు నిర్మించారు. ఈ చిత్రం ఈ నెల 30న థియేటర్లలో విడుదల కానుంది. సెకెండ్ వేవ్ తర్వాత సినిమా రిలీజ్ అవుతుండటంతో యంగ్ టైగర్ ఎన్టీయార్ సినిమా టీమ్ ప్రోమోషన్స్ కు తనవంతు సహకారంగా తిమ్మరసు ట్రైలర్ కూడా లాంచ్ చేశారు.