నిర్మాతగా మారనున్న అల్లు అర్జున్ అన్నయ్య
Varun Tejభారీ అంచనాల మధ్య విడుదలైన 'అంతరిక్షం' సినిమా ఫ్లాప్ అయినప్పటికీ, 'ఎఫ్ 2: ఫన్ అండ్ ఫ్రస్ట్రేషన్' సినిమాతో మంచి హిట్ ను అందుకున్నాడు వరుణ్ తేజ్. వెంకి రేంజికి మ్యాచ్ అయ్యేలా కామెడీని పండించి ప్రేక్షకులను బాగానే మెప్పించాడు ఈ యువ హీరో.
భారీ అంచనాల మధ్య విడుదలైన 'అంతరిక్షం' సినిమా ఫ్లాప్ అయినప్పటికీ, 'ఎఫ్ 2: ఫన్ అండ్ ఫ్రస్ట్రేషన్' సినిమాతో మంచి హిట్ ను అందుకున్నాడు వరుణ్ తేజ్. వెంకి రేంజికి మ్యాచ్ అయ్యేలా కామెడీని పండించి ప్రేక్షకులను బాగానే మెప్పించాడు ఈ యువ హీరో. ఇక వరుణ్ తేజ్ తర్వాతి సినిమాపై మంచి అంచనాలు నెలకొన్నాయి. ప్రస్తుతం ఒక కొత్త దర్శకుడిని టాలీవుడ్ కి పరిచయం చేస్తూ వరుణ్ తేజ్ తన కొత్త సినిమాను మొదలు పెట్టనున్నాడు. ఈ సినిమాలో ఒక బాక్సర్ పాత్రలో కనిపించనున్నాడు వరుణ్ తేజ్. ఇక్కడ ఆసక్తికరమైన విషయం ఏమిటంటే అల్లు అరవింద్ పెద్ద కుమారుడు, అల్లు అర్జున్ అన్నయ్య అయిన అల్లు బాబి ఈ సినిమాతో నిర్మాతగా టాలీవుడ్ లో అడుగుపెట్టనున్నారు.
అంటే మెగా హీరో సినిమాను అల్లు హీరో అన్నయ్య నిర్మించనున్నాడు అన్నమాట. ఇప్పటిదాకా స్పోర్ట్స్ నేపథ్యంలో కనిపించని వరుణ్ ఈ సినిమాలో మొట్టమొదటిసారిగా బాక్సర్ పాత్రలో కనిపించనున్నాడు. ఇక వరుణ్ తేజ్ అనిల్ సుంకర నిర్మాణంలో ఒక్క సినిమాకు సైన్ చేశాడు కానీ ఆ సినిమా ఇంకా పట్టాలెక్కలేదు. తన సినిమా చేయకుండా వేరే వాళ్ళతో సినిమా చేస్తున్నందుకు అనిల్ సుంకర వరుణ్ తేజ్ పై మండి పడుతున్నారు. మరి ఈ మెగా హీరో ఇప్పుడు అల్లు బాబీ తో సినిమా తీస్తాడా లేక అనిల్ నిర్మాణంలో నటిస్తాడా అనేది ఇంకా తెలియాల్సి ఉంది.
