logo

మళ్ళీ ఇన్నాళ్ల తరువాత 'పోకిరి' కాంబో

గత కొంతకాలంగా వరుస డిజాస్టర్ లతో సతమతమవుతున్నాడు డాషింగ్ డైరెక్టర్ పూరి జగన్నాథ్. ఈ మధ్యనే తన కుమారుడు ఆకాష్ పూరి ను లాంచ్ చేస్తూ దర్శకత్వం వహించిన 'మెహబూబా' సినిమా కూడా సరిగా ఆడకపోవడంతో డీలా పడిపోయాడు పూరి.

Puri JagannadhPuri Jagannadh

గత కొంతకాలంగా వరుస డిజాస్టర్ లతో సతమతమవుతున్నాడు డాషింగ్ డైరెక్టర్ పూరి జగన్నాథ్. ఈ మధ్యనే తన కుమారుడు ఆకాష్ పూరి ను లాంచ్ చేస్తూ దర్శకత్వం వహించిన 'మెహబూబా' సినిమా కూడా సరిగా ఆడకపోవడంతో డీలా పడిపోయాడు పూరి. ఇక అలానే ఫ్లాపులతో సతమతమవుతున్న హీరో రామ్. ఈ మధ్యనే నటించిన 'హలో గురు ప్రేమకోసమే' సినిమా కూడా ప్రేక్షకులను మెప్పించలేకపోయింది. ప్రస్తుతం పూరిజగన్నాథ్ దర్శకత్వంలో ఓ సినిమా చేయబోతున్నాడు రామ్. 'ఇస్మార్ట్ శంకర్' అనే సరికొత్త టైటిల్ తో తెరకెక్కనున్న ఈ సినిమా ఫస్ట్ లుక్ ఈ మధ్యనే విడుదలైంది.

ఇప్పటిదాకా లవర్ బాయ్ పాత్రలో కనిపించిన రామ్ ఈ సినిమాలో మాత్రం ఒక పక్కా మాస్ పాత్రలో కనిపించనున్నట్లు తెలుస్తోంది. ఇక ఈ సినిమా పూరి మార్క్ మాస్ మసాలా ఎంటర్టైనర్ గా తెరకెక్కనుందని తెలుస్తోంది. తాజా సమాచారం ప్రకారం ఈ సినిమాకు మణి శర్మ సంగీతాన్ని అందిస్తున్నారు. ఇప్పటికే పూరి జగన్నాథ్ దర్శకత్వం వహించిన సినిమాలలో 'చిరుత' మరియు 'పోకిరి' సినిమాలకు మణిశర్మ సంగీతాన్ని అందించారు. ఇన్నాళ్ల తర్వాత వీరిద్దరి కాంబోలో ఒక సినిమా రాబోతోంది. ఈ సినిమా గురించి మరిన్ని వివరాలు త్వరలో తెలియనున్నాయి.

లైవ్ టీవి

Share it
Top