అవకాశం ఇచ్చి ఆదుకుంటున్న నాగ్

'సోగ్గాడే చిన్నినాయన' సినిమాతో అక్కినేని నాగార్జున కు మరిచిపోలేని హిట్ అందించిన దర్శకుడు కళ్యాణ్ కృష్ణ కురసాల. ఇప్పుడు అదే సినిమాకు సీక్వెల్ గా 'బంగార్రాజు' అనే సినిమాను చేయనున్నాడు కళ్యాణ్ కృష్ణ. ఈ సినిమాలో కూడా నాగార్జున హీరోగా నటించనున్నారు. అయితే ఈ సినిమాలో అక్కినేని నాగచైతన్య నాగ్ కు మనవడి పాత్రలో కనిపిస్తాడని తెలుస్తోంది. ఇక ఇప్పటికే స్క్రిప్ట్ పనులను పూర్తి చేసిన కళ్యాణ్ కృష్ణ త్వరలో షూటింగ్ మొదలు పెట్టనున్నాడు. తాజా సమాచారం ప్రకారం ఈ సినిమాలో ఒక హీరోయిన్ గా మాళవిక శర్మ ను తీసుకున్నట్లు తెలుస్తోంది.

ఇంతకుముందు కృష్ణ దర్శకత్వం వహించిన 'నెల టికెట్' సినిమాతో టాలీవుడ్ లో అడుగు పెట్టింది మాళవిక. అయితే రవితేజ హీరోగా నటించిన ఈ సినిమా పెద్దగా ఆడలేదు. సినిమా కథ పక్కన పెడితే ఆ అమ్మాయి నటన కూడా పెద్దగా ప్రేక్షకులను మెప్పించ లేదు. మొదటి సినిమా లో మంచి ఇంప్రెషన్ కలిగించ లేకపోయిన మాళవిక కు ఇప్పుడు నాగార్జున ఈ సినిమాలో అవకాశం ఇచ్చి ఆదుకుంటున్నట్లు తెలుస్తోంది. కనీసం ఈ సినిమాతో అయినా ఆమె తన ప్రతిభను నిరూపించుకుని హిట్ అందుకుంటుందో లేదో చూడాలి. అన్నీ అనుకున్నట్లు జరిగితే ఈ సినిమా వచ్చే ఏడాది అంటే 2020 సంక్రాంతికి విడుదల కానుంది.