నాని కోసం హైదరాబాద్ క్రికెటర్లు

'కృష్ణార్జున యుద్ధం', 'దేవదాస్' వంటి రెండు ఫ్లాపులను చవిచూసిన నాచురల్ స్టార్ నాని ప్రస్తుతం 'జెర్సీ' అనే సినిమాతో బిజీగా ఉన్నాడు. 'మళ్ళీరావా' ఫేమ్ గౌతమ్ తిన్ననూరి ఈ సినిమాకు దర్శకత్వం వహిస్తున్నారు. కన్నడ 'యూ-టర్న్' ఫేమ్ శ్రద్ధ శ్రీనాథ్ ఈ సినిమాలో హీరోయిన్ గా నటిస్తుంది. స్పోర్ట్స్ డ్రామాగా తెరకెక్కనున్న ఈ సినిమాలో నాని క్రికెటర్ గా కనిపించనున్నాడు. ఇప్పటికే ఈ సినిమా తాలూకు ఫస్ట్ లుక్ మరియు టీజర్ కు ప్రేక్షకుల నుంచి మంచి రెస్పాన్స్ అందుకుంటోంది. తాజా సమాచారం ప్రకారం ఈ సినిమాకు కొంత మంది క్రికెట్ ఆడే వాళ్ల అవసరం వచ్చిందట.

దానికోసం వాళ్ళు హైదరాబాద్లోనే ఉండే కొంతమంది లోకల్ ప్రొఫెషనల్ క్రికెట్ ప్లేయర్ లను రంగంలోకి దింపారు. చిత్రబృందం ఇప్పుడు ఈ సినిమాలో స్టేట్ లెవెల్ లో హైదరాబాద్ తరఫునుండి క్రికెట్ ఆడే కొంతమంది సభ్యులను తీసుకున్నారు. వారు ఈ సినిమాలో ముఖ్య పాత్రలో కనిపించనున్నారు. సితార ఎంటర్టైన్మెంట్స్ పతాకంపై సూర్య దేవర నాగ వంశీ నిర్మిస్తున్న ఈ సినిమాకి అనిరుధ్ రవిచందర్ సంగీతాన్ని అందిస్తున్నారు. ఈ సినిమా ఏప్రిల్ లో విడుదల కానుంది. మరి ఈ సినిమాతో నాని ప్రేక్షకులను ఎంతవరకూ మెప్పిస్తాడో చూడాలి.