OTT Movie: ‘మనీ హీస్ట్’ లాంటి క్రేజీ థ్రిల్లర్.. ఊహకందని ట్విస్ట్‌లతో ఓటీటీలో ఆకట్టుకుంటున్న కొత్త మూవీ..!

OTT Movie: ఇటీవల కాలంలో ఇండియా సినిమా స్థాయి పెరిగింది. హాలీవుడ్ సినిమాలకు ధీటుగా మన సినిమాలను కూడా తెరకెక్కిస్తున్నారు డైరెక్టర్లు. హాలీవుడ్ యాక్షన్ థ్రిల్లర్ల అంటూ మనోళ్లు పిచ్చెక్కిపోతారు. దీంతో మన డైరెక్టర్లు కూడా ఆ సినిమాలకు మించి యాక్షన్ సీక్వెన్స్ లను ప్లాన్ చేస్తున్నారు. ఇలాంటి సీన్లు మూవీ లవర్స్ ని కుర్చీలకు కట్టిపడేస్థాయి. హీస్ట్ స్టోరీలతో వచ్చే యాక్షన్ సినిమాలు ప్రస్తుతం ట్రెండ్ అవుతున్నాయి. యాక్షన్ తో అదరగొట్టే అటువంటి హీస్ట్ స్టోరీ మూవీ ఒకటి ఓటీటీ ప్లాట్ ఫామ్ లో స్ట్రీమింగ్ అవుతుంది.

ఈ హాలీవుడ్ యాక్షన్ థ్రిల్లర్ మూవీనే లిఫ్ట్. గతేడాది విడుదలైన ఈ అమెరికన్ హీస్ట్ కామెడీ మూవీని ఎఫ్. గ్యారీ గ్రే తెరకెక్కించారు. ఈ మూవీలో కెవిన్ హార్ట్, గుగు మ్బాతా-రా, విన్సెంట్ డి’ఒనోఫ్రియో, ఉర్సులా కార్బెరో, బిల్లీ మాగ్నస్సేన్, జాకబ్ బాటలోన్, సామ్ వర్తింగ్టన్ పలువురు నటించారు. ఈ యాక్షన్ థ్రిల్లర్ మూవీ ఓటీటీ ఫ్లాట్ ఫామ్ నెట్‌ఫ్లిక్స్‌ లో స్ట్రీమింగ్ అవుతోంది. "లిఫ్ట్" సినిమా అనేది అంతర్జాతీయ దొంగతనాలు, భారీ బంగారు కడీల దొంగతనాలు, ఇంటర్‌పోల్ ఏజెంట్ల మధ్య ఆసక్తికరమైన కథను అందిస్తుంది. కథలో కెవిన్ హార్ట్ పాత్రలో ఒక చాకచక్యంగా దొంగతనాలు చేసే హీరో ఉంటాడు. అతని దొంగతనాలు చాలా తెలివిగా జరిగిపోతున్నాయి. హీరోయిన్ ఇంటర్‌పోల్ ఏజెంటుగా పనిచేస్తుంది. వీరిద్దరికీ ఒక వెకేషన్ సమయంలో పరిచయం అవుతుంది. అయితే, వాళ్లిద్దరూ తమ ప్రొఫెషనల్ కెరీర్ గురించి దాచిపెడతారు.

ఆ తర్వాత హీరో ఒక కాస్ట్లీ ఆర్ట్ ను చాలా తెలివిగా దొంగలిస్తారు. ఆ దొంగతనం హీరోయిన్ కళ్లముందే జరుగుతుంది. ఇదివరకే పరిచయం ఉన్న అతను దొంగ అని తెలిసి హీరోయిన్ ఆలోచనలో పడిపోతుంది. ఆ తర్వాత ఒక స్మగ్లర్ భారీగా బంగారాన్ని స్మగ్లింగ్ చేస్తుంటాడు. ఆ గోల్డ్ ను అతనికి దక్కకుండా చేయాలని, ఇంటర్‌పోల్ ఆఫీసర్ హీరోయిన్ కి వివరిస్తాడు. అలా చేయాలంటే నువ్వు, దొంగగా పేరు తెచ్చుకున్న హీరో సాయం తీసుకోవాలని చెప్తాడు. అలా హీరో సాయం తీసుకోవాలని దగ్గరకి వస్తుంది హీరోయిన్.

మొదట హీరో అంగీకరించకపోవడంతో నువ్వు చేసిన దొంగతనానికి పోలీసులు నిన్ను అరెస్ట్ చేస్తారని హీరోయిన్ చెప్పడంతో ఆ తరువాత హీరో ఆమె చెప్పిన పనికి గ్రీన్ సిగ్నల్ ఇస్తాడు. విమానంలో స్మగ్లర్ భారీగా బంగారాన్ని తరలిస్తుంటాడు. అందులో హీరో, హీరోయిన్లు కూడా ఉంటారు. విలన్ కి విషయం తెలిసి వాళ్ల ఇద్దరిపై అటాక్ చేస్తాడు. ఈ క్రమంలో అధికారులు విమానాన్ని పేల్చేయాలనుకుంటారు. చివరికి హీరో బంగారాన్ని స్మగ్లింగ్ చేయకుండా ఆపుతాడా? విలన్ ని హీరో, హీరోయిన్ లు పోలీసులకు అప్పగిస్తారా? విమానాన్ని అధికారులు పేల్చేస్తారా? ఈ విషయాలు తెలుసుకోవాలనుకుంటే ‘లిఫ్ట్’ (Lift) అనే మూవీని మిస్ కాకండి.