'మజిలీ' సినిమా రైట్స్ ని సొంతం చేసుకున్న ప్రముఖ టీవీ ఛానల్

పెళ్లయిన తర్వాత సమంతా, నాగచైతన్య కలిసి నటిస్తున్న మొదటి చిత్రం కావడంతో 'మజిలీ' సినిమాపై భారీ అంచనాలు నెలకొన్న సంగతి తెలిసిందే. 'నిన్ను కోరి' ఫేమ్ శివ నిర్వాణ ఈ సినిమాకు దర్శకత్వం వహిస్తున్నారు. తాజా సమాచారం ప్రకారం ఈ సినిమా ప్రీ రిలీజ్ బిజినెస్ ఫుల్ స్వింగ్ లో జరుగుతోందట. ప్రముఖ టీవీ ఛానల్ జీ టీవీ ఈ సినిమా డిజిటల్ మరియు శాటిలైట్ రైట్స్ ను సొంతం చేసుకుంది. ఈ సినిమా కోసం జీటీవీ దాదాపుగా ఆరు కోట్లు వెచ్చించినట్టు సమాచారం. ఇక ఈ సినిమా 90స్ బ్యాక్ డ్రాప్ తో సాగుతుందని సమాచారం.

ఈ సినిమా షూటింగ్ ప్రస్తుతం జరుగుతూ ఉంది. షైన్ స్క్రీన్స్ పతాకంపై సాహు గారపాటి మరియు హరీష్ పెద్ది ఈ సినిమాను నిర్మిస్తున్నారు. గోపి సుందర్ ఈ సినిమాకు సంగీతాన్ని అందిస్తున్నారు. ఇప్పటికే సమంత నాగచైతన్య కలిసి నటించిన 'ఏ మాయ చేసావే, 'ఆటోనగర్ సూర్య' మరియు 'మనం' సినిమాలు సూపర్ హిట్ అయిన సంగతి తెలిసిందే. ఇక ఈ సినిమా కూడా అంతకంటే పెద్ద హిట్ అవుతుందని అక్కినేని అభిమానులు ఆసక్తిగా ఎదురు చూస్తున్నారు. ఇక ఈ సినిమా కాకుండా నాగచైతన్యకు 'వెంకీ మామ' మరియు సమంతకు '96' రీమేక్ ఉన్న సంగతి తెలిసిందే.