నిరాడంబరంగా హీరో నిఖిల్ పెళ్లి

యంగ్ హీరో నిఖిల్ ఓ ఇంటివాడయ్యాడు. తను ప్రేమించిన డా. పల్లవి వర్మను ఈ రోజు (గురువారం) ఉదయం 6:31 గంటలకు పెళ్లి చేసుకున్నాడు. శామీర్‌పేటలోని ఓ ప్రైవేటు గెస్ట్ హౌస్‌లో వీరి కల్యాణ వేడుక జరిగింది. కరోనా కారణంగా అతి తక్కువ మంది బంధువులు మాత్రమే వివాహ వేడకకు హాజరయ్యారు.

ఈ ఏడాది ఫిబ్రవరి1న గోవాలో పల్లవి వర్మతో నిశ్చితార్థం చేసుకున్న నిఖిల్ వివాహాన్ని ఏప్రిల్ 16వ తేదీన జరపాలని పెద్దలు మొదట నిశ్చయించారు. అయితే లాక్ డౌన్ కారణంగా వివాహం వాయిదా పడింది.. ఆ పెళ్లిని తిరిగి మే 14వ తేదీని ఖరారు చేశారు. ఆ తరవాత కేసీఆర్ ప్రభుత్వం మరోసారి లాక్ డౌన్ ని మే 29 వరకు పొడిగించడంతో మరోసారి పెళ్లిని వాయిదా వేయాలని అనుకున్నారు కానీ దగ్గరలో ముహూర్తం లేకపోవడంతో ఈ ముహూర్తానికే పెళ్లి ఫిక్స్ చేశారు. కొద్దిమంది కుటుంబ సభ్యులు, సన్నిహితుల సమక్షంలో నిరాడంబరంగా పెళ్లి వేడుక జరిగింది.