Karthi: రెండు విభిన్న పాత్రలతో అలరించనున్న కార్తి

Karthi: కోలీవుడ్ స్టార్ కార్తి హీరోగా త్వరలో ప్రేక్షకుల ముందుకు రాబోతున్న సినిమా "సర్దార్". స్పై థ్రిల్లర్ గా తెరకెక్కనున్న ఈ సినిమాకి "అభిమన్యుడు" ఫేమ్ డైరెక్టర్ పి ఎస్ మిత్రన్ దర్శకత్వం వహిస్తున్నారు. రాశికన్నా హీరోయిన్ గా నటిస్తున్న ఈ సినిమాలో సిమ్రాన్, రజిష్ విజయన్, మునీష్ కాంత్, చంకీ పాండే, మురళి శర్మ తదితరులు ముఖ్య పాత్రలు పోషిస్తున్నారు. తాజాగా ఈ సినిమాకు సంబంధించిన ఓ ఆసక్తికరమైన వార్త ఇప్పుడు సోషల్ మీడియాలో హల్చల్ చేస్తోంది.

ఈ సినిమాలో కార్తీ ద్విపాత్రాభినయం చేయబోతున్నారట. అందుకోసం కార్తి రెండు విభిన్నమైన లుక్స్ తో ప్రేక్షకుల దృష్టిని ఆకర్షించబోతున్నారు. మొదట ఒక పోలీస్ ఆఫీసర్ పాత్రలో కనిపించనున్న కార్తీ ఒక వయసైపోయిన ఖైదీ పాత్రలో కనిపించబోతున్నారు. ఈ రెండు పాత్రల కోసం కార్తి కొత్త మేక్ఓవర్ ట్రై చేసినట్లు తెలుస్తోంది. దీనికి సంబంధించిన ఫోటో కూడా సోషల్ మీడియాలో వైరల్ గా మారింది. ప్రిన్స్ పిక్చర్స్ పతాకంపై ఎస్ లక్ష్మణ్ కుమార్ ఈ సినిమాని నిర్మిస్తున్నారు. జీవీ ప్రకాష్ కుమార్ ఈ సినిమాకి సంగీతాన్ని అందిస్తున్నారు.