నవ్వి'తేన'వ్వండి

అమ్మ మాట, బిర్యానీ మూట!

కొద్దిమంది పిల్లలు రోజు స్కూల్ వెళ్ళడానికి ఇష్టపడక...రకరకాల కారణాలు చెప్పి ఆ రోజు సెలవు తీసుకుందామని ట్రై చేస్తుంటారు. అలాంటి ప్రయత్నమే, మన రాజు ఒక రోజు వాళ్ళ మమ్మీ తో ట్రై చేసాడు...అదెలాగో ఇప్పుడు చూద్దాం.

రాజు: అమ్మా! ఈ రోజు కడుపునొప్పిగా ఉంది స్కూలుకు వెళ్లను…

తల్లి: అయ్యో! బిర్యానీ చేశానే ఎలా?

రాజు: కడుపు నొప్పి కాదు మమ్మీ, కాలు నొప్పి అన్నాడు.

తల్లి: నేను చేసింది బిర్యానీ కాదు అన్నమే! అంది తెలివైన తల్లి.

కొంచం కూరుంటేయమ్మో!

మనుషుల్లో రకరకాల వ్యక్తులు ఉన్నట్టే... బిచ్చగాల్లల్లో కూడా రకరకాల వ్యక్తులు వుంటారు... అలాంటి ఒక బిచ్చగాడు ఏమి చేసాడో ఇప్పుడు చూద్దాము.

బిచ్చగాడు : అమ్మా! కొంచెం అన్నం పెట్టమ్మా…

శారద : ఇప్పుడు లేదు పోవయ్యా!

బిచ్చగాడు : పోనీ కొంచెం కూరైనా ఇవ్వమ్మా

శారద : కూర లేదు... ఏమీలేవు పోవయ్యా.

బిచ్చగాడు : ఏమీ లేనప్పుడు మీరూ ఇక్కడ ఏమి చేస్తారమ్మ, నాతో రండి కలిసి ఎంచక్కా అడుక్కున్దాం.

ఓస్! ఇది ఒక సమస్యేనా!

మహెష్: రమేష్..... నీభార్య అంటే నీకంత ఇష్టమా?

ఎందుకు అలా అడుగుతున్నావు అన్నాడు.. రమేష్.

మహెష్: ఏమి లేదు..... ఆవిడ ఫోటోను ఎప్పుడూ చూసుకుంటూ ఉంటావు కదా?

రమేష్: ఇష్టం కాదురా కష్టం. నాకు ఏదైనా పెద్ద సమస్య ఎదురైనప్పుడు, వెంటనే ఆవిడ ఫోటో చూస్తాను. ఆ సమస్య చాలా చిన్నదిగా అనిపించి మనస్సు తేలికపడుతుంది అన్నాడు.