ఒక్క సంవత్సరం లో నాలుగు సినిమాలు చేస్తున్న నందమూరి హీరో

Highlights

ఒకప్పుడు స్టార్ హీరోలు సంవత్సరానికి కనీసం అరడజను సినిమాలు చేసేవారు. కానీ ఈ మధ్యకాలంలో సంవత్సరానికి ఒక సినిమా రిలీజ్ చేయడం కూడా గగనమైపోయింది. ఇలాంటి...

ఒకప్పుడు స్టార్ హీరోలు సంవత్సరానికి కనీసం అరడజను సినిమాలు చేసేవారు. కానీ ఈ మధ్యకాలంలో సంవత్సరానికి ఒక సినిమా రిలీజ్ చేయడం కూడా గగనమైపోయింది. ఇలాంటి పరిస్థితుల్లో నందమూరి హీరో కళ్యాణ్ రామ్ ఈ సంవత్సరం 4 విడుదలతో రికార్డు సృష్టిస్తున్నాడు. 'నా నువ్వే' సినిమా తో గత ఏడాది డిజాస్టర్ ను అందుకున్న కళ్యాణ్ రామ్ ప్రస్తుతం కె.వి.గుహన్ దర్శకత్వంలో '118' సినిమా లో నటిస్తున్న సంగతి తెలిసిందే. ఈ సినిమా మార్చి ఒకటవ తారీఖున విడుదల కానుంది.

ఈ సినిమా తరువాత విరించివర్మ దర్శకత్వంలో ఒక సినిమా చేయనున్నాడు కళ్యాణ్ రామ్. ఈ సినిమా ఏప్రిల్ నుండి మొదలు కానుంది. ఇక ఇప్పటికే ఎన్టీఆర్ బయోపిక్ లో రెండవ భాగమైన 'ఎన్టీఆర్ మహానాయకుడు' సినిమాలో కళ్యాణ్ ముఖ్య పాత్ర పోషించిన సంగతి తెలిసిందే. ఈ సినిమా ఫిబ్రవరిలో విడుదల కానుంది. ఈ మూడు సినిమాలు ఈ సంవత్సరమే విడుదల కానున్నాయి. ఇక ఇప్పటికే ఈ నెల మొదట్లో కళ్యాణ్ రామ్ ఎన్టీఆర్ బయోపిక్ లో 'ఎన్టీఆర్ కథానాయకుడు' లో ముఖ్య పాత్ర పోషించిన సంగతి తెలిసింది. అంటే ఒక్క సంవత్సరంలోనే నాలుగు సినిమాలతో ప్రేక్షకుల ముందుకు రానున్నాడు కళ్యాణ్ రామ్.