'డిస్కో రాజా' గా మాస్ మహారాజ

వరుసగా 'టచ్ చేసి చూడు', 'నేలటికెట్', 'అమర్ అక్బర్ ఆంటోనీ' సినిమాలు డిజాస్టర్ గా మారడంతో, రవితేజ మార్కెట్ బాగా పడిపోయిందని చెప్పుకోవచ్చు. ఇక రవితేజ తన ఆశలన్నీ వీ ఐ ఆనంద్ దర్శకత్వంలో చేస్తున్న సినిమాపైనే పెట్టుకున్నాడు. నిజానికి ఈ సినిమా షూటింగ్ ఎప్పుడో పట్టాలెక్కాలి కానీ రవితేజ ఈ సినిమా స్క్రిప్ట్ లో కొన్ని మార్పులు చెప్పడంతో, దర్శకుడు ఆ పనిలో పడ్డాడు. అయితే రవితేజ బర్త్డ్‌డే సందర్భంగా ఈరోజు సినిమా టైటిల్ ను ఖరారు చేస్తూ టైటిల్ లోగోను విడుదల చేశారు.

ఈ సినిమాకు 'డిస్కో రాజా' అనే టైటిల్ ను పెట్టారు. ఒక్క సీతాకోకచిలుక బొమ్మకి మధ్యలో టైటిల్ ను డిజైన్ చేసి లోగో తోనే మంచి ఇంప్రెషన్ ను కొట్టేశారు దర్శక నిర్మాతలు. 'ఆర్ఎక్స్ 100' ఫేమ్ పాయల్ రాజ్ పుత్ ఈ సినిమాలో రవితేజతో రొమాన్స్ చేయనుంది. ఎస్ ఆర్ టి ఎంటర్టైన్మెంట్స్ పతాకంపై రామ్ తాళ్లూరి నిర్మిస్తున్న ఈ సినిమాకు ఎస్ఎస్ తమన్ సంగీతాన్ని అందిస్తున్నారు. ఈ సినిమా షూటింగ్ ఫిబ్రవరిలో సెట్స్ పైకి వెళ్లనుంది. అన్నీ అనుకున్నట్లు జరిగితే ఈ సినిమా ఈ ఏడాది చివర్లో విడుదల కానుంది.