ఓవర్సీస్‌లో దుమ్ములేపుతున్న 'ఎఫ్‌2'

సీనియర్ హీరో విక్టరీ వెంకటేష్, మెగా ప్రిన్స్ వరుణ్ తేజ్ హీరోలుగా హాట్రిక్ దర్శకుడు అనిల్ రావిపూడి దర్శకత్వంలో తెరకెక్కిన సినిమా 'ఎఫ్ 2: ఫన్ అండ్ ఫ్రస్ట్రేషన్'. తమన్నా మరియు మెహరీన్ హీరోయిన్లుగా నటించిన ఈ సినిమా ఫుల్ లెంత్ కామెడీ ఎంటర్టైనర్గా జనవరి 12వ తారీకున విడుదలైంది. మొదటి రోజు నుంచే ప్రేక్షకుల నుంచి మంచి రెస్పాన్స్ అందుకుంటుంది ఈ సినిమా. దిల్ రాజు నిర్మించిన ఈ సినిమా కలెక్షన్ల పరంగా థియేటర్ల వద్ద కాసుల వర్షం కురిపిస్తూ ఈ మధ్యన మరొక రికార్డు సృష్టించింది.

తెలుగు రాష్ట్రాల్లోనే కాక అటు ఓవర్సీస్ లో సైతం బాక్సాఫీస్ వద్ద సత్తా చాటుతోంది 'ఎఫ్ 2'. తాజా సమాచారం ప్రకారం ఈ సినిమా బాక్సాఫీస్ వద్ద 2 మిలియన్ డాలర్ల క్లబ్లో జాయిన్ అయిపోయింది. ఇప్పటికే విడుదలై రెండు వారాలు గడిచినప్పటికీ థియేటర్ల వద్ద ఈ సినిమా హంగామా ఇంకా కనిపిస్తూనే ఉండడం విశేషం. చాలాకాలం తరువాత మళ్ళీ కామెడీ పాత్రలో కనిపించి విక్టరీ వెంకటేష్ ఈ సినిమాకు హైలైట్ గా నిలిచారు. మొట్టమొదటిసారిగా వరుణ్ తేజ్ కూడా కామెడీ పాత్రలో ఈ సినిమాతో బాగానే మెప్పించాడు. దేవిశ్రీ ప్రసాద్ ఈ సినీమాకు సంగీతాన్ని అందించారు.

$2 Million in USA 💥⚡️

BOMMA BLOCKBUSTER!!
Anthegaa... Anthegaaa.... 🤗🤗#F2 #FunAndFrustration #VictoryVenkatesh @IAmVarunTej @tamannaahspeaks @Mehreenpirzada @SVC_official@ThisisDSP
Directed by @AnilRavipudi pic.twitter.com/hKbDR5HlH3

— Sri Venkateswara Creations (@SVC_official) January 27, 2019