మహానటి కోసం స్టార్ మ్యూజిషియన్

'మహానటి' సినిమా తో టాలీవుడ్ లోనే స్టార్ హీరోయిన్ గా మారిపోయింది కీర్తి సురేష్. కీర్తి కెరీర్ లో అప్పటివరకు చేసిన అన్ని సినిమాలు ఒక ఎత్తు అయితే, 'మహానటి' సినిమా మరొక ఎత్తు గా మారింది. ఇక ఆ తరువాత కీర్తి సురేష్ హీరోయిన్ గా నటించిన డబ్బింగ్ చిత్రాలు 'సామి 2', 'పందెంకోడి 2', తెలుగులో పెద్దగా ఆడలేదు. తాజాగా ఈ భామ కు బాలీవుడ్ నుంచి పెద్ద అవకాశం వచ్చింది. బాలీవుడ్ దర్శకుడు నగేష్ కుక్కునూర్ దర్శకత్వంలో ఒక పెద్ద ప్రాజెక్టుకు సైన్ చేసింది కీర్తి సురేష్. ఈ సినిమా ఒక లేడీ ఓరియంటెడ్ చిత్రం అని తెలుస్తోంది. ఫిమేల్ సెంట్రిక్ కథ అయినప్పటికీ ఇందులో కమర్షియల్ ఎలిమెంట్ లు ఉంటాయని సినిమా మొత్తం ఒక కమర్షియల్ ఎంటర్టైనర్గా సాగుతుందని తెలుస్తోంది.

తాజా సమాచారం ప్రకారం ఈ సినిమాకు సంగీతాన్ని అందించడం కోసం టాలీవుడ్ రాక్ స్టార్ దేవి శ్రీ ప్రసాద్ ను ఎంపిక చేసినట్లు తెలుస్తోంది. ఇప్పటికే కీర్తి సురేష్ తెలుగులో హీరోయిన్గా నటించిన 'నేను లోకల్' మరియు 'నేను శైలజ' సినిమాలకు దేవిశ్రీప్రసాద్ సంగీతాన్ని అందించిన సంగతి తెలిసిందే. హిందీ లో కీర్తి సురేష్ డెబ్యూ సినిమా గా మారనున్న ఈ చిత్రం హిందీ లో మాత్రమే కాక తెలుగు తమిళ భాషల్లో కూడా విడుదల కానుంది. ఇప్పటిదాకా టాలీవుడ్ ఇండస్ట్రీలో తనకంటూ ఒక ముద్రవేసుకున్న కీర్తి బాలీవుడ్లో కూడా తన సత్తా చాటనుంది.