logo
సినిమా

Sonu Sood About His Tollywood Next Films: టాలీవుడ్ నా ఇల్లు.. ఇండస్ట్రీని ఆకాశానికి ఎత్తేసిన సోనూసూద్!

Sonu Sood About His Tollywood Next Films: టాలీవుడ్ నా ఇల్లు.. ఇండస్ట్రీని ఆకాశానికి ఎత్తేసిన సోనూసూద్!
X
Sonu Sood (File Photo)
Highlights

Sonu Sood About His Tollywood Next Films: కరోనా లాంటి కష్ట సమయంలో వలస కూలీల పాలిట దేవుడు అయ్యాడు బాలీవుడ్ నటుడు సోనూసూద్.. కష్టం అనే మాట వినిపిస్తే చాలు

Sonu Sood About His Tollywood Next Films : కరోనా లాంటి కష్ట సమయంలో వలస కూలీల పాలిట దేవుడు అయ్యాడు బాలీవుడ్ నటుడు సోనూసూద్.. కష్టం అనే మాట వినిపిస్తే చాలు అక్కడ నేను ఉన్నాను అంటూ వాలిపోతున్నాడు. ఇప్పటికి చాలా మందికి సహాయం చేసి అందరి దృష్టిలో దేవుడయ్యాడు సోనూసూద్.. ఇప్పుడు అందరికి సినిమాలో కనిపించే విలన్ సోనూసూద్ కాదు.. అతనో హీరో..

అలాంటి సోనూసూద్ తాజాగా HMTVకి ఇంటర్వ్యూ ఇచ్చారు. ఇందులో పలు అంశాలను పంచుకున్నారు అయన.. ఇక టాలీవుడ్ గురించి మాట్లాడుతూ కొన్ని ఆసక్తికరమైన విషయాలని వెల్లడించారు. టాలీవుడ్ ఇండస్ట్రీ తనకి ఇల్లు లాంటిదని అన్నాడు. తెలుగు సినిమాల్లో నటించేందుకు తానూ ఎంతగానో ఇష్టపడుతాను అని చెప్పుకొచ్చాడు. ఇక దర్శకుడు త్రివిక్రమ్, పూరి, కందిరీగ శ్రీనుతో మంచి ఫ్రెండ్ షిప్ ఉన్నట్టుగా వెల్లడించాడు. ఇక ప్రభాస్, బన్నీ, ఎన్టీఆర్ లతో సినిమాలు చేశానని వారు మంచి జేన్యున్ పర్సన్స్ అంటూ చెప్పుకొచ్చాడు.

ప్రస్తుతం కందిరీగ 2 సినిమాలో నటిస్తున్నాని వెల్లడించాడు. షూటింగ్ చివరి దశకి చేరుకుందని స్పష్టం చేశాడు. అలాగే చిరంజీవి, కొరటాల కాంబినేషన్ లో తెరకెక్కుతున్న ఆచార్య సినిమాలో కూడా ఓ కీలక పాత్రలో నటిస్తున్నట్టుగా వెల్లడించాడు. ఇక కరోనా వలన నష్టపోయిన సినిమా ఇండస్ట్రీ త్వరలొనే కోలుకుంటుందని ఆశిస్తున్నట్టుగా వెల్లడించాడు సోనూసూద్..

ఇక సోనూసూద్ సినిమాల విషయానికి వచ్చేసరికి సూపర్ సినిమాతో ఇండస్ట్రీకి పరిచయం అయిన సోనూసూద్ స్టైలిష్ విలన్ గా టాలీవుడ్ లో పేరు సంపాదించుకున్నాడు. ఇక కోడి రామకృష్ణ దర్శకత్వంలో వచ్చిన అరుంధతి చిత్రంలో పసుపతిగా నటించి ఉత్తమ విలన్ గా నంది అవార్డు అందుకున్నాడు. ఆ తరువాత జులాయి, దూకుడు, ఆగడు, కందిరీగ మొదలైన సినిమాల్లో నటించి మంచి విలన్ గా స్థిరపడిపోయారు.

Web TitleBollywood Actor Sonu Sood About His Tollywood Next Films
Next Story