Bigg Boss Episode 98: శ్రీముఖి ఫైనల్స్ లో.. మరి బయటకు వెళ్ళే ది ఎవరు?
చివరి వారం మొదలు.. బిగ్ బాస్ హౌస్లో ఉన్న ఆరుగురిలో ఇద్దరు ఫైనల్కి చేరుకున్నారు. ఫైనల్కి వెళ్లేది ఐదుగురే. ఈ ఐదుగురిలో ఒక్కరు మాత్రమే బిగ్ బాస్...
చివరి వారం మొదలు.. బిగ్ బాస్ హౌస్లో ఉన్న ఆరుగురిలో ఇద్దరు ఫైనల్కి చేరుకున్నారు. ఫైనల్కి వెళ్లేది ఐదుగురే. ఈ ఐదుగురిలో ఒక్కరు మాత్రమే బిగ్ బాస్ విజేతగా నిలుస్తారు. అయితే ఈ ఆరుగురిలో బిగ్ బాస్ విన్నర్ అయ్యేది ఎవరు? ఈవారం ఎవరు ఎలిమినేట్ కాబోతున్నారు? ఎవరు సేవ్ కాబోతున్నారన్న ఉత్కంఠ ఊపేస్తోంది.
శనివారం ప్రత్యేకం కదా..నాగార్జున వచ్చారు. వస్తూనే హౌస్ ముచ్చట్లను చూపించారు. ఒక వేళ బిగ్ బాస్ టైటిల్ విన్నర్ అయితే ఆడియన్స్ నుండి రెస్పాన్స్ ఎలా ఉంటుంది.. ఏ కారులో ఊరేగింపుగా వెళ్లాలి? ఇలా సరదా ప్లాన్ లు వేసుకుంటూ కనిపించారు రాహుల్, అలీలు. ఇక శ్రీముఖి తన తండ్రి గిఫ్ట్గా తెచ్చి ఇచ్చిన టెడ్డీతో హౌస్ ముచ్చట్లు చెబుతూ జీవించేసింది.
ఇక ఈరోజు గడిస్తే మరోవారం మాత్రమే మిగిలి ఉంటుందని వరుణ్.. బాబా భాస్కర్, శ్రీముఖిలు బాతాఖానీ పెట్టారు.'నేను ఫైనల్ టికెట్ కంటెస్టెంట్.. నో టెన్షన్' అంటూనే.. రాహుల్ని డూప్లికేట్ నామినేషన్ చేసినట్టే.. నాక్కూడా ఈ ఫిలాలే టికెట్ డూప్లికేట్ ఇచ్చుండాలి. నాగార్జున గారు వచ్చి ఆ టికెట్ తీసుకువచ్చి ఇక్కడ పెట్టండి అనాలి అప్పుడు ఉంటుందీ అంటూ బాబా భాస్కర్ కామెడీ చేశారు.
బాణం వెయ్యి..లగ్జరీ కొట్టు..
ఈవారం లగ్జరీ బడ్జెట్ టాస్క్లో భాగంగా 'సంధించు.. సాధించు' అనే టాస్క్ ఇచ్చారు. ఈ టాస్క్ ప్రకారం బాణం, విల్లు సాయంతో బోర్డ్పై ఉన్న బెలూన్స్ని పగలగొట్టాలి. ఆ బెలూన్పై లగ్జరీ ఐటమ్ రాసి ఉంటుంది. గురి చూసి బెలూన్ని పగలగొడితే దానిపై ఉన్న ఆ లగ్జరీ ఐటమ్ ఇంటి సభ్యల సొంతం అవుతుందని టాస్క్ ఇచ్చారు బిగ్ బాస్.
అయితే మొదటిగా బాణం సంధించిన రాహుల్ ఒక్క బెలూన్ని కూడా కొట్టలేకపోయారు. అనంతరం బాబా భాస్కర్ సైతం ఒక్క బెలూన్కి కూడా కొట్టలేకపోయారు. అయితే శ్రీముఖి గురి మాత్రం తప్పలేదు.. గురి చూసి బెలూన్ని పగలగొట్టింది. అలీ, శివజ్యోతిలు కూడా గురి చూసి బెలూన్స్ కొట్టడంలో సక్సెస్ అయ్యి లగ్జరీ బడ్జెట్ను సాధించారు. చివర్లో వరుణ్ సందేశ్ బాణాన్ని సంధించడంలో విఫలమై లగ్జరీ బడ్జెట్ను సాధించలేకపోయారు.
గంతలు కట్టు..గిఫ్ట్ పట్టు..
అనంతరం కళ్లకు గంతలు కట్టుకుని బౌల్స్లో బాల్స్ వేయాలనే టాస్క్ ఇచ్చారు బిగ్ బాస్. ఇందులో బాబా భాస్కర్ మాత్రమే కళ్లకు గంతలు కట్టుకుని బాల్ వేయగలిగారు. దీంతో బాబా ఈ టాస్క్లో విజేతగా నిలిచారు.
హౌస్ మేట్స్కి నాగార్జున టెన్షన్..
రాహుల్.. టికెట్ టు ఫినాలే గెలుచుకుని ఫైనల్కి చేరినందుకు అతన్ని అభినందించారు నాగార్జున.
అనంతరం రాహుల్ గతంలో శ్రీముఖిపై చేసిన ఆరోపణల్లో అసలు నిజాన్ని నిగ్గుతేల్చారు నాగార్జున. శ్రీముఖి తనను బిగ్ బాస్కి రికమండ్ చేసిందని అందరితో చెప్పుకుంటుంది అంటూ రాహుల్ చేసిన ఆరోపణల్లో వాస్తవం లేదని అప్పటి వీడియోలను ప్లే చేసి చూపించారు నాగార్జున.
లేనిది ఉన్నట్టుగా ఊహించుకుని అనవసరంగా ఛాలెంజ్లు చేస్తున్నావని.. ఒకసారి కాదు.. గతంలో హిమజ, వితికా ఇప్పుడు శ్రీముఖి విషయంలో కూడా లేనివి ఉన్నట్టుగా చెప్తున్నావ్ అంటూ చురకలేశారు నాగార్జున. నిజం నిగ్గుతేలడంతో రాహుల్ని శ్రీముఖికి క్షమాపణ చెప్పమని ఆదేశించారు నాగార్జున . దీంతో తన తప్పు తెలుసుకున్న రాహుల్ శ్రీముఖికి సారీ చెప్పాడు.
అనంతరం శ్రీముఖి.. రాహుల్ని ఉద్దేశించి అతనే విన్నర్ అంటూ బాబా, శివజ్యోతిలో చర్చించిన వీడియోను ప్లే చేసి షాక్ ఇచ్చారు. రాహుల్ ఫేక్ ఎలిమినేషన్ తరువాత హౌస్లోకి తిరిగివస్తూ.. అతనే విన్నర్ అని శివజ్యోతితో అన్నాడట.. అంటూ బాబాతో చెప్తున్న వీడియోను ప్లే చేసి శ్రీముఖిని ఇది నిజమా అంటూ ప్రశ్నించారు నాగార్జున.
అయితే మీరు అనవసరంగా ఏదో ఊహించుకుంటూ లేనిపోని అపోహలు కలిగించవద్దని.. విన్నర్ ఎవరు అనేది ప్రేక్షకుల ఓటింగ్ ద్వారానే నిర్ణయించబడుతుంది తప్ప.. మీ వల్ల, నా వల్ల ఏం కాదు అని క్లారిటీ ఇచ్చారు బిగ్ బాస్. ఎవరికి ఎన్ని ఓట్లు వచ్చాయన్నది చెప్పడానికి థర్డ్ పార్టీ ఉంటుందని ప్రేక్షకుల నుండి వచ్చిన ప్రతి ఓటుని కౌంట్ చేస్తారన్నారు నాగార్జున. మొత్తంగా రాహుల్ విన్నర్ అంటూ వస్తున్న ప్రచారంపై క్లారిటీ ఇచ్చారు నాగార్జున.
అనంతరం హౌస్లో ఉన్న ఆరుగురు ఇంటి సభ్యుల్లో ఎవరు విన్నర్, ఎవరు లూజర్ అనుకుంటున్నారో చెప్పాలని వాళ్లతో ఇంట్రస్టింగ్ టాస్క్ ఆడించారు నాగార్జున.
ఇక ప్రస్తుతం నామినేషన్స్లో మిగిలిన నలుగురు శ్రీముఖి, వరుణ్, అలీ, శివజ్యోతిలలో శ్రీముఖి సేఫ్ అయినట్టుగా ప్రకటించారు నాగార్జున. అయితే రేపటి ఎపిసోడ్లో శివజ్యోతి, వరుణ్, అలీలలో ఒకరు ఎలిమినేట్ కాబోతున్నారు.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire