logo

లుక్ మార్చిన బెల్లంకొండ హీరో

ప్రొడ్యూసర్ బెల్లంకొండ సురేష్ కుమారుడిగా ఇండస్ట్రీలోకి అడుగు పెట్టిన బెల్లంకొండ సాయి శ్రీనివాస్ ఇప్పటికి హీరోగా ఐదు సినిమాలు చేశాడు కానీ ఒక్క సినిమాతో కూడా సరైన హిట్ అందుకోలేకపోయాడు.

Bellamkonda Sai SrinivasBellamkonda Sai Srinivas

ప్రొడ్యూసర్ బెల్లంకొండ సురేష్ కుమారుడిగా ఇండస్ట్రీలోకి అడుగు పెట్టిన బెల్లంకొండ సాయి శ్రీనివాస్ ఇప్పటికి హీరోగా ఐదు సినిమాలు చేశాడు కానీ ఒక్క సినిమాతో కూడా సరైన హిట్ అందుకోలేకపోయాడు. ఈ మధ్యనే విడుదలైన బెల్లంకొండ సాయి శ్రీనివాస్ సినిమా 'కవచం' కూడా పెద్దగా ఆడలేదు. ప్రస్తుతం ఒక సినిమాతో బిజీగా ఉన్న శ్రీనివాస్, రమేష్ వర్మ దర్శకత్వంలో ఓ సినిమా చేయడానికి ఒప్పుకున్నాడు. ఈ సినిమా తాలూకు అధికారిక ప్రకటన ఈరోజు ఉదయమే వెలువడింది. ఇంకా టైటిల్ ఖరారు కాని ఈ సినిమాలో బెల్లంకొండ సాయి శ్రీనివాస్ ఒక సరి కొత్త లుక్ తో కనిపించనున్నాడు.

ఇప్పటిదాకా గడ్డంతో తెరపై కనిపించని సాయి శ్రీనివాస్ ఈ సినిమాతో గడ్డం తో స్టైలిష్ లుక్ తో మన ముందుకు రాబోతున్నాడు. సత్యనారాయణ కోనేరు, హవీష్ లక్ష్మణ్ కోనేరు ఈ సినిమాను ఏ స్టూడియోస్ బ్యానర్ పతాకంపై నిర్మిస్తున్నారు. మల్టీడైమన్షన్ వాసు ఈ సినిమాను సమర్పిస్తున్నారు. ఈ సినిమా గురించి మరిన్ని వివరాలు త్వరలో తెలియనున్నాయి. మరి స్టైలిష్ లుక్ తో నైనా బెల్లంకొండ సాయి శ్రీనివాస్ ఈసారి హిట్ అందుకుంటాడో లేదో వేచి చూడాలి.

లైవ్ టీవి

Share it
Top