వరుణ్ కి కోచ్ గా మారనున్న బన్నీ నాన్న
Arjun Sarjaభారీ అంచనాల మధ్య విడుదలైనప్పటికీ వరుణ్ తేజ్ హీరోగా సంకల్ప్ రెడ్డి దర్శకత్వంలో తెరకెక్కిన 'అంతరిక్షం' సినిమా డిజాస్టర్ గా నిలిచింది. అయినప్పటికీ ఈ మధ్యనే విడుదలైన 'ఎఫ్ 2' సూపర్ హిట్ కావడంతో వరుణ్ తేజ్ కు ఎనర్జీ వచ్చింది.
భారీ అంచనాల మధ్య విడుదలైనప్పటికీ వరుణ్ తేజ్ హీరోగా సంకల్ప్ రెడ్డి దర్శకత్వంలో తెరకెక్కిన 'అంతరిక్షం' సినిమా డిజాస్టర్ గా నిలిచింది. అయినప్పటికీ ఈ మధ్యనే విడుదలైన 'ఎఫ్ 2' సూపర్ హిట్ కావడంతో వరుణ్ తేజ్ కు ఎనర్జీ వచ్చింది. వెంకీ, వరుణ్ తేజ్ హీరోలుగా అనిల్ రావిపూడి దర్శకత్వంలో తెరకెక్కిన ఈ సినిమా సూపర్ హిట్ అయిన సంగతి తెలిసిందే. ఇక ప్రస్తుతం వరుణ్ తేజ్ దృష్టి తన రాబోయే సినిమా పైకి మరల్చాడు. కిరణ్ కొర్రపాటి దర్శకత్వంలో ఒక సినిమాలో నటిస్తున్నాడు వరుణ్. ఈ సినిమాలో ఒక బాక్సర్ గా ప్రేక్షకుల ముందుకు రాబోతున్నాడు ఈ మెగా హీరో.
తాజా సమాచారం ప్రకారం ఈ సినిమాలో యాక్షన్ కింగ్ అర్జున్ ఒక ముఖ్య పాత్రలో కనిపించనున్నారు. వరుణ్ తేజ్ కు బాక్సింగ్ నేర్పించే కోచ్ గా అర్జున్ కనపడనున్నారని తెలుస్తోంది. ఈ మధ్యనే అల్లు అర్జున్ నటించిన 'నా పేరు సూర్య నా ఇల్లు ఇండియా' సినిమా లో బన్నీ తండ్రిగా నటించిన అర్జున్ ఇప్పుడు మెగా హీరోకు కోచ్ గా మారనున్నారన్నమాట. ఇక ఈ సినిమా ప్రీ ప్రొడక్షన్ పనులు జోరుగా సాగుతున్నాయి. వరుణ్ తేజ్ మరియు అల్లు బాబీ ఈ సినిమాను సంయుక్తంగా నిర్మిస్తున్నారు. ఈ సినిమా షూటింగ్ త్వరలో పట్టాలెక్కనుంది.
