ప్రతి మహిళా పోలీస్‌ ఒక స్టార్‌: అనుష్క

హైదరాబాద్‌ సైబరాబాద్‌ పోలీస్‌ స్టేషన్‌లో టాలీవుడ్‌ స్వీటీ అనుష్క సందడి చేశారు. డయల్‌ 100 క్విక్‌ రెస్పాన్స్ వాహనాలను అనుష్క ప్రారంభించారు. అలాగే ఫ్రీ షి షుటిల్‌ బస్సులను అనుష్క ప్రారంభించారు. ఈ కార్యక్రమంలో అడిషనల్‌ డీజీ స్వాతి లక్రా, సైబరాబాద్‌ సీపీ సజ్జానర్ తో పాటు పెద్ద సంఖ్యలో మహిళా పోలీసు అధికారులు పాల్గొన్నారు. అనంతరం సైబరాబాద్‌ కమిషనరేట్‌ పరిధిలో విశిష్ట సేవలందించిన పోలీసులకు అవార్డులు అందించారు. ఈ సందర్భంగా అనుష్క మాట్లాడుతూ.. ప్రతి మహిళా పోలీస్‌ ఒక స్టార్‌ అని అన్నారు. కొవిడ్‌ సమయంలో పోలీసులు చాలా బాగా పనిచేశారని చెప్పారు. తెలంగాణలో ఇంతమంది మహిళా పోలీసులు ఉండటం సంతోషకరమని చెప్పారు. ఇలాంటి బృహత్తర కార్యక్రమంలో పాల్గొనడం ఆనందంగా ఉందన్నారు.