Top
logo

Nani V Movie : 'వి' మూవీకి షాక్ ఇచ్చిన అమెజాన్ ప్రైమ్

Nani V Movie : వి మూవీకి షాక్ ఇచ్చిన అమెజాన్ ప్రైమ్
X

nani v movie

Highlights

Nani V Movie : ఇండస్ట్రీలో సెంటిమెంట్ కొదవే లేదు.. 90 శాతం ఇండస్ట్రీ సెంటిమెంట్ పైనే ఆధారపడింది అనే చెప్పాలి.. సినిమాని మొదలు

Nani V Movie : ఇండస్ట్రీలో సెంటిమెంట్ కొదవే లేదు.. 90 శాతం ఇండస్ట్రీ సెంటిమెంట్ పైనే ఆధారపడింది అనే చెప్పాలి.. సినిమాని మొదలు పెట్టలన్నా, రిలీజ్ చేయలన్నా పక్కా సెంటిమెంట్ ని ఫాలో అవుతూ ఉంటారు మేకర్స్.. ఒక్కో సారి ఆ సెంటిమెంట్ తప్పితే ఫ‌లితం తారుమార‌వుతుంద‌ని వారి న‌మ్మకం.ఎట్టి పరిస్థితుల్లో ఆ సెంటిమెంట్ కి బ్రేక్ పడకుండా చూసుకుంటారు మేకర్స్.. అయితే తాజాగా నాని 'వి' మూవీ విషయంలో ఆ సెంటిమెంట్ బ్రేక్ పడింది.

విభిన్న చిత్రాల దర్శకుడు ఇంద్రగంటి మోహన్ కృష్ణ దర్శకత్వంలో ఈ సినిమా తెరకెక్కింది. ఈ సినిమాలో నాని, సుధీర్ బాబు ప్రధాన పాత్రలు పోషించగా, అదితీరావ్ , నివేత థామస్ హీరోయిన్లుగా నటించారు. ఈ సినిమాని శ్రీ వెంకటేశ్వర క్రియేషన్స్ పతాకంపై ప్రముఖ నిర్మాత దిల్ రాజు నిర్మించారు.. కరోనా వలన వాయిదా పడుతూ వచ్చిన ఈ సినిమా తాజాగా సెప్టెంబర్ 05 న అమెజాన్‌ ప్రైమ్‌ లో రిలీజ్ అయింది.

అయితే ఈ చిత్రాన్ని మాత్రం అమెజాన్ ప్రైమ్ వ‌ర్గాలు శుక్రవారం రాత్రి 10 గంట‌ల‌కే స్ట్రీమింగ్‌కి పెట్టేశార‌ట‌. దీనితో సెంటిమెంట్ బ్రేక్ అయినట్టు అయింది. ఎందుకంటే సెంటిమెంట్ ప్రకారం సెప్టెంబ‌ర్ 5న నాని న‌టించిన తొలి చిత్రం `అష్టాచ‌మ్మా` విడుద‌లైంది. అదే సెంటిమెంట్ ని రిపీట్ చేస్తూ ఈ సినిమాని కూడా అదే రోజున రిలీజ్ చేయాలనీ అనుకున్నారు. కానీ సెప్టెంబ‌ర్ 4న రిలీజ్ చేయ‌డంతో ఆ సెంటిమెంట్ బ్రేక్ పడినట్టు అయింది. అటు దిల్ రాజు కూడా సెప్టెంబర్ 05 కూడా కలిసి రాలేదనే చెప్పాలి ఎందుకంటే అదే రోజున నాగచైతన్య జోష్ మూవీ రిలీజ్ అయి ఆశించిన విజయాన్ని అందుకోలేకపోయింది.

Web TitleAmazon prime big shock to nani v movie team
Next Story