బన్నీ-త్రివిక్రమ్ సినిమా అప్పుడే లాంచ్ చేయనున్నారు
Trivikramగతేడాది బన్నీ హీరోగా వక్కంతం వంశీ దర్శకత్వంలో తెరకెక్కిన 'నా పేరు సూర్య నా ఇల్లు ఇండియా' సినిమా ప్రేక్షకులను మెప్పించలేకపోయింది. భారీ అంచనాల మధ్య విడుదలైనప్పటికీ ఈ సినిమా అనుకున్నంత బాగా ఆడలేదు.
గతేడాది బన్నీ హీరోగా వక్కంతం వంశీ దర్శకత్వంలో తెరకెక్కిన 'నా పేరు సూర్య నా ఇల్లు ఇండియా' సినిమా ప్రేక్షకులను మెప్పించలేకపోయింది. భారీ అంచనాల మధ్య విడుదలైనప్పటికీ ఈ సినిమా అనుకున్నంత బాగా ఆడలేదు. ఇక ఆ తర్వాత ఎలా ఎలాగైనా ఈసారి హిట్ కొట్టి తీరాల్సిందే అన్న కసితో అల్లు అర్జున్ మంచి కథ కోసం చాలా కాలం ఎదురు చూశాడు. ఎట్టకేలకు ఆరు నెలల తర్వాత 'అరవింద సమేత' సినిమా ద్వారా సూపర్ హిట్ అందుకున్న త్రివిక్రమ్ శ్రీనివాస్ దర్శకత్వంలో ఒక సినిమా ఫైనలైజ్ చేశాడు. ఇక ఈ సినిమా ఎప్పుడు పట్టాలెక్కనుందా అని ఆసక్తిగా ఎదురు చూస్తున్నారు ఫ్యాన్స్.
ఇప్పటివరకు బన్నీ-త్రివిక్రమ్ కాంబినేషన్ లో రెండు సినిమాలు వచ్చాయి. అవే 'జులాయి', 'సన్నాఫ్ సత్యమూర్తి'. రెండు సినిమాలు సూపర్ హిట్ అయ్యాయి. కాబట్టి ముచ్చటగా మూడవ సినిమా కూడా కచ్చితంగా హిట్ అయి తీరుతుంది అని, బన్నీ మళ్లీ ఈ సినిమా ద్వారా ఫార్మ్ లోకి వస్తాడు అని కాన్ఫిడెంట్ గా ఉన్నారు బన్నీ అభిమానులు. తాజా సమాచారం ప్రకారం ఈ సినిమా ను ఫిబ్రవరి 14న అంటే ప్రేమికుల రోజు సందర్భంగా లాంచ్ చేయనున్నారు. అప్పుడే రెగ్యులర్ షూటింగ్ కూడా మొదలు కానుంది. ఇక త్వరగా ఈ సినిమా షూటింగ్ పూర్తి చేసి దసరా కానుకగా విడుదల చేయాలని అనుకుంటున్నారు దర్శక నిర్మాతలు.
